Магнитнай буурҕалар: тохсунньу 26 күнэ

ИКИ РАН Күн астрономиятын лабораториятын уонна СО РАН Күн-Сир физикатын институтун исписэлиистэрин кэтээн көрүүлэринэн, бүгүн, тохсунньу 26 күнүгэр, сарсыарда Сиртэн көстүбэт Күн чааһыгар улахан, икки хос корональнай эстии таҕыста. Күн утары өттүн кэтээн көрөр космос аппараттара суоҕунан, маннык дьайыыны сиһилии үөрэтэр кыах суох.

Ааҕан-суоттаан таһаарыы көрдөрөрүнэн, бүгүн Күҥҥэ буолан ааспыт эстии содула биһиги планетабыт магнитосфератыгар биллэр-көстөр дьайыыны оҥоруо суоҕа. Сүнньүнэн уоскулаҥ геомагнитнай балаһыанньа күүтүллэр.

Маннык көстүү кэнниттэн кэлэр ыйдааҕы — олунньутааҕы билгэлээһин саҥардылынна. Тохсунньу бүтүөр диэри улахан геомагнитнай хамсааһыннар күүтүллүбэттэр. Олунньуга  5, 9, 10 күннэргэ, ону тэҥэ 13-тэн 16-с чыыһылаларга диэри геомагнитнай хамсааһыннар буолуохтарын сөп.

Күн-дьыл уларыйыытыгар ылларымтыа дьон Күн көхтөөх буолуон сөптөөх күннэригэр, билгэ намыһах да буоллаҕына, бэйэлэрин доруобуйаларын туругар ордук болҕомтолорун ууралларыгар сүбэлииллэр.