Магнитола диэбитэ атын буолбут

2 №-дээх полиция отделыгар дьону уонна таһаҕас таһыытынан дьарыктанар урбаанньыт сайабылыанньа суруйан киллэрбит. Кини оптуобуһуттан тахограбын уорбуттарын туһунан тыллаабыт.

Быһаарыллыбытынан, сарсыарда көрбүтэ, көлөтүн наадалаах тэрилэ суох буолбут.

Полиция үлэһиттэрин суһал-ирдиир үлэлэринэн, уорбаланааччы кимэ быһаарыллыбыт. Бу Дьокуускай олохтооҕо 22 саастаах эдэр киһи.

Уорбаланааччы суоппар суоҕун көрөн, онон туһанан, оптуобус солуонугар киирэн тахограбы магнитола дии санаан тоҕо тардан ылбыт.

Уорбутун төттөрү ылбыттар. РФ ХК 158 ыст. 2 ч. («Уоруу») холуобунай дьыала көбүтүллүбүт.

СӨ ИДьМ пресс-сулууспата