МАХ мессенджер нөҥүө култуура тэрээһиннэригэр киирии өссө судургу буолла

Дойдутааҕы МАХ мессенджергэ «Госуслуги. Култуура» диэн кыра сыһыарыы үлэлиир. Кини көмөтүнэн Арассыыйа үрдүнэн араас култуура тэрээһиннэригэр, ол иһигэр «Пушкин каартатын» туһанан, билиэттэри атыылаһыахха сөп, диэн sakha.gov.ru иһитиннэрэр.

Сиэрбис дойду бары эрэгийиэннэригэр үлэлиир уонна онно чугастааҕы тэрээһиннэр тустарынан биллэриилэр тахсаллар — киинэ, испэктээк, быыстапка, кэнсиэр уонна да атын. Сыһыарыы МАХ мессенджергэ киириитэ култуурунай сынньалаҥы былаанныыры судургу оҥорорун бэлиэтииллэр.

«Дойдутааҕы МАХ мессенджери олоххо киллэрии – Саха сиригэр сыыппара куттала суох буолуутугар улахан хардыы», — диэн СӨ Инновацияҕа, сыыппара сайдыытыгар уонна инфокоммуникационнай технологияларга миниистирэ Петр Николаев бэлиэтиир. Кини этэринэн, сыыппаралаах ID сервиһэ ураты сыаналаах. Кини көмөтүнэн динамическай QR-код нөҥүө устудьуонтан саҕалаан элбэх оҕолоох ыал чилиэнин статуһугар диэри бигэргэтиэххэ сөп. Технология тус дааннайдары харыстыыр, онон олохтоохторго өҥөлөр ордук табыгастаах, көмүскэллээх уонна судургу буолаллар.

МАХ — VK хампаанньа Арассыыйа Сыыппара сайдыытын министиэристибэтин уонна «Ростех» экосистиэмэтин тэрилтэлэрин өйөбүлүнэн оҥорбут аныгы сыыппара платформата. Кини бары киэҥник тарҕаммыт тэриллэргэ үлэлиир.

Саха сирин Ил Дархана Айсен Николаев MAX платформаҕа официальнай ханаалын ыытар.

Эрэгийиэн салайааччытын ханаалыгар бу сигэнэн киириллэр: https://max.ru/aisen_nikolaev.

Саха сирин Бырабыыталыстыбата эмиэ бэйэтэ ханааллаах: https://max.ru/sakhagov.

Оттон «Саха сирэ» саайт ханаала бу сигэнэн баар: https://max.ru/join/QqldBqHR4rM4SpKAVJk8QOTbsM4VFJm8vcvidjcWAKo