МАХ мессенджерга «Сбер» GigaChat 2.0 нейросети туһаныҥ

 «Сбер» саҥардыллыбыт GigaChat 2.0 нейросеть-модела МАХ мессенджергэ үлэлиир. Билигин ким баҕалаах @gigachat диэн ааттаах бот нөҥүө оҥоһуу өй саҥа кыахтарын босхо туһанар кыахтаах.

Саҥа үнүстүрүмүөн Саха сирин олохтоохторугар хайдах көмөлөөх буолуон сөбүн  туһунан суруйабыт.

GigaChat 2.0 диэн тугуй?

GigaChat 2.0 – «Сбер» оҥорбут саҥа көлүөнэ нейросеть-модела. Урукку барылыттан сүрүн уратыта – мультимодальнай буолар, ол эбэтэр тиэкиһи, бырагыраама куодун уонна ойууну тэҥинэн өйдүүр, айар кыахтаах. Ону таһынан, быдан чопчу эппиэттиир уонна түргэнник үлэлиир буолбут. Мессенджергэ киирбитинэн, технология дьоҥҥо өссө чугаһаата уонна күннээҕи олоххо туһанарга табыгастаах буолла.

Саха сирин олохтооҕо GigaChat-ы туохха туһаныан сөбүй?

Бу бот Саха сирин олохтоохторугар араас эйгэҕэ көмөлөһөр кыахтаах:

1. Контент оҥоруу: Нуучча тылынан Саха сирин туһунан кылгас ыстатыйалары, социальнай ситимнэргэ аналлаах постары, бырааһынньыкка эҕэрдэ тыллары айарга көмөлөһөр. Холобур, «Өлүөнэ очуостарын туһунан кылгас кэпсээн суруй» диэн сорудахтаатахха, сөптөөх тиэкиһи таһааран биэриэ.
2. Үөрэххэ көмө: Үөрэнээччилэргэ уонна устудьуоннарга дакылаат, реферат оҥорорго былаан эбэтэр матырыйаал хомуйарга сүбэлиэн сөп. Ыарахан тиэмэни судургутук быһаарар кыахтаах.
3. Айар үлэ: Дьиэ кэргэҥҥэ сынньалаҥы хайдах атаарары, бырааһынньык күнүн бырагырааматын эбэтэр хоһоон суруйтарарга кытта туһаныахха сөп.
4. Ойуу оҥоруу: Бот ойуу оҥорор кыаҕа эмиэ баар. Холобур, хамаанданы биэрэн баран, «Кыһын тымныыга сылгылар» эбэтэр «Лена очуостара сайыҥҥы киэһэҕэ» диэн сорудахтаатахха, хас даҕаны барыйааны таһааран биэриэ.

«Сбер» бэрэстэбиитэллэрэ бэлиэтииллэринэн, нейросети мессенджергэ киллэрии – технологияны дьоҥҥо-сэргэҕэ, ол иһигэр Арассыыйа эрэгийиэннэрин олохтоохторугар, чугаһатар, күннээҕи олоххо туһаныыны судургутутар сыаллаах-соруктаах.

GigaChat боту хайдах булуохха уонна холбуохха сөбүй?

1. МАХ мессенджергытын арыйыҥ.

2. «Поиск» строкатыгар @gigachat диэн суруйуҥ.

3. Тахсыбыт тиһиктэн официальнай боту талыҥ.

4. «Начать» эбэтэр «Запустить» тимэҕи баттааҥ.

5. Ол кэннэ бот үлэтин саҕалыыр, ыйытыыларгытын биэрэн барыаххытын сөп.

Түмүктээн эттэххэ, @gigachat курдук күүстээх оҥоһуу өй МАХ мессенджерга баар буолбута – Саха сирин олохтоохторугар информацияны кытта үлэлииргэ, айарга-тутарга уонна күннээҕи соруктары быһаарарга саҥа кыахтары арыйар.