«МАХ» сыһыарыы 85 мөлүйүөн туһанааччыланна

Национальнай мессенджерга сууккаҕа 5,5 мөлүйүөн көхтөөх туһанааччылаах, — диэн сервис пресс-сулууспата иһитиннэрэр.

Мессенджер үлэлиэҕиттэн туһанааччылар 18 миллиардтан тахса иһитиннэриини суруйдулар уонна 2,5 миллиардтан тахса эрийиини оҥордулар. Ону тэҥэ туһанааччылар 200 мөлүйүөнтэн тахса видеону уһуллулар уонна миллиардтан тахса стикери ыыттылар.

Блогердар, хампаанньалар уонна судаарыстыбаннай тэрилтэлэр «МАХ»-ка 140 тыһыынчаттан тахса аһаҕас ханаалы астылар, кинилэр уопсай аудиториялара 54 мөлүйүөн сурутааччыны куоһарда.

40 тыһыынчаттан тахса маҕаһыын Сыыппара ID көмөтүнэн сааһы бигэргэтэр технологияны олоххо киллэрдэ. «МАХ» көмөтүнэн сааһы «Магнит», «Пятерочка», «Перекресток», «ВкусВилл», «Мария-Ра», «Дикси», «Лента» уонна «Монетка» маҕаһыыннарга табаар атыылаһар кэмҥэ бигэргэтиэххэ сөп — оччотугар мессенджер профилыгар баар QR-коду сканердыахха эрэ наада.