www.sakha.gov.ru
Арассыыйа бастакы национальнай сервиһин – «МАХ» сыһыарыы кыахтара кэҥээн иһэрин туһунан www.sakha.gov.ru иһитиннэрэр.
«МАХ» биир уратытынан сорох административнай боппуруостары туора саайтарга киирбэккэ, быһаччы мессенджер иһигэр быһаарарга аналлаах судаарыстыбаннай сервистэри интеграциялааһын буолла. Холобур, 2025 сыл балаҕан ыйыгар пилотнай эрэсииминэн «Госуслуги» портал докумуоннарыгар олоҕуран «Сыыппара ID-тын» (Цифровой ID) оҥорор функцияны үлэлэтэн саҕалаабыттара.
«Сыыппара ID» көмөтүнэн сааһы, устудьуон, элбэх оҕолоох төрөппүт, биэнсийэлээх статуһун уонна да атыны бигэргэтиэххэ сөп буолуоҕа, ону таһынан гостиницаҕа киириигэ эбэтэр «18+» категориялаах табаардары атыылаһыыга туһаныахха сөп.
Сыһыарыыга судаарыстыбаннай өҥөлөр эмиэ мунньуллубуттар. Кинилэр категорияларынан араарыллыбыттар уонна бас билии быраабын регистрациялааһыны, ыспыраапкалары биэриини, сорох докумуоннары оҥорууну уо.д.а. киллэрэллэр. Туһанааччыларга наадалаах сайаапкалары толорорго табыгастаах формалар уонна ИИ (Оҥоһуу өй) олоҕуран үлэлиир онлайн-консультант көмөтө бэриллэр. Өссө биир киллэриллибит функция – үбүнэн-харчынан операциялар. Ол курдук, мессенджергэ түргэн төлөбүрдэр систиэмэлэрэ (система быстрых платежей) көрүллүбүт, онно Арассыыйа сорох бөдөҥ бааннара номнуо холбоспуттар. Онуоха туһанааччыларга харчыны быһаччы диалог иһигэр ыытыахха сөп – аккауҥҥа тус баан каартатын сыһыарыахха эрэ наада уонна настройкаларга сөптөөх пууну талыахха наада. Ол эрээри, каарта СБП систиэмэтигэр сыһыарыллыбыт буолуохтаах (туһанааччыга да, кэпсэтээччигэ да). Ону таһынан, сорох бааннар ыытыллар суумаларга лимииттэри олохтуохтарын сөп – суума наһаа улахан буоллаҕына, туһанааччыттан туспа мобильнай сыһыарыыга көһөрүгэр көрдөһүөхтэрэ.
Мииринэй оройуонун суута оройуоннааҕы балыыһа дерматовенеролог-быраас - буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. …
Аан дойдутааҕы биисинэс эйгэтигэр «сымнаҕас» күүс диэн өйдөбүл баар – ол эбэтэр эрэгийиэн бэйэтин култууратын,…
Саха Өрөспүүбүлүкэтигэр 2026 сылга баһаартан кутталлаах кэмҥэ бэлэмнэнии былааннаахтык ыытыллар. Онуоха биир сүрүн хайысханан Арктика…
Амма сэлиэнньэтигэр биир симиэнэҕэ 200 киһини көрөр кыамталаах поликлиниканы тохсунньу бүтүүтэ арыйар былааннаахтар. Мэдиссиинэ тэрилтэтигэр…
“Дойдуну көмүскээччилэр” судаарыстыба пуондатын Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр көмөтө…
«Саханефтегазсбыт» АУо Өлүөнэ уонна Алдан өрүстэринэн ньиэби массыынанан таһыыны саҕалаата. «2026 сыл бастакы аҥаарыгар биһиги…