Өлөөн сэлиэнньэтигэр “Махтал” диэн маҕаһыын баар. Бу маҕаһыыны сибиэһэй килиэби атыылаһааччылар, бородууктаҕа наадыйааччылар быһа ааспаттар.
Маҕаһыын сэбиэдиссэйэ Магомедгазиева Саадат Омаровна бэйэтэ күннээх Дагестантан төрүттээх, бу хоту дойдуну — Өлөөнү сүрэҕинэн сөбүлээн, манна олохсуйбута сүүрбэттэн тахса сыл буолбут. Оҕолоро манна күн сирин көрбүттэр.
Кини кэпсииринэн, манна үрдүттэн астыыр килиэптэрин дьон сөбүлээн атыылаһар. Сэлиэнньэҕэ килиэп астыыр чааһынай бэкээринэлэр баалларын да үрдүнэн, сүрүн килиэбинэн хааччыйааччынан Саадат Омаровна бэкээринэтэ буолар. Маҕаһыын дьоҕус бэкээринэтэ ахсынньыга 9000 килиэби, тохсунньуга – 7089 килиэби астаабыт. Хата, бурдугунан хааччыллыыга кыһалҕалары көрсүбэттэр. 750 г килиэби 53 солк. атыылыы тураллара. Баҕар, ол да иһин буолуо, үгүс таксистар Өлөөн килиэбэ чэпчэки дииллэр эбит. Инникитин сиэрэй килиэби астыыр, боруобалаан көрөр санаалаахтар. Бэкээринэлэригэр улуус дьаһалтата көмөлөспүт эбит. Онон килиэп астыырга наадалаах тэриллэри атыыласпыттар.
Үгүс эргиэн үлэһиттэрин курдук, кыһыҥҥы суолу баттаһа буорту буолбат атыылыыр астарын-үөллэрин тиэйэн аҕалаллар, тиэтэйэллэр диэххэ сөп. Суол быстар кэмигэр чартернай рейстэри, Удачнайтан кэлэр бөртөлүөтү туһана сатыыллар. Атыыга куруук сибиэһэй оҕуруот аһа, фрукта, халбаһыы баар буоларыгар кыһаналлар.
Дьоҕус маҕаһыыннарыгар ас эгэлгэтэ баар. Сыаната хоту дойду сиэринэн диэххэ сөп.
Бу сылга бастакы электроннай бэбиэскэлэри аны күһүн ыҥырыллар гражданнарга туттараллара күүтүллэр. Муус устар 28 күнүттэн…
Ил Дархан Айсен Николаев Ыйааҕынан хотугу дьиэ табатын иитиитин, идэлэригэр маастарыстыбаларын, үлэҕэ ситиһиилэрин уонна үрдүк…
Бүгүҥҥүттэн, муус устар 28 күнүттэн, «Nordwind» авиахампаанньа Казань – Дьокуускай – Казань маршрутунан саҥа быһа…
Нерюнгри оройуонун аҕам саастаах дьахтара түөкүттэргэ 2,8 мөлүйүөн солкуобайы ууран биэрбит. Биэнсийэлээх угаайыга киирэн биэрбит.…
Доҕоттор, оонньууну күн ыаһаҕа дии саныыгыт? Суох бөҕө буоллаҕа дии. Ону, мин көрдөхпүнэ, ханнык да…
Байыаннай дьайыы зонатыгар Саха сириттэн, чуолаан Сунтаар улууһуттан, бу күннэргэ саха волонтердара үс квадроцикл, икки матасыыкыл,…