«Махтал» күөрчэх маастар-кылааһыгар ыҥырар

Сэтинньи 4 күнүгэр, субуотаҕа, Норуот сомоҕолоһуутун күнүгэр «Махтал» саха куукунатын киинигэр  оҕолорго анаан «Күөрчэх» маастар-кылаас ыытыллыаҕа. 

Кэрэхсэбиллээх тэрээһиҥҥэ оҕолор төрөппүттэрин, эбээлэрин, эһээлэрин кытта кэлэн, сир аһын арааһын кытта сүөгэй ытыйан күөрчэх оҥорорго үөрэниэхтэрэ. Маны таһынан, саха куукунатын аһын кытта билсиэхтэрэ.  Ол курдук, күөрчэҕи сахалар хаһааҥҥыттан астыыр буолбуттарын устуоруйата, бу үрүҥ ас туһалаах өрүттэрин туһунан билиэхтэрэ. Араас отонноох күөрчэҕи амсайан ылыахтара.

«Күөрчэх» тэрээһин  Киров 2 уулуссаҕа турар «Махтал» саха аһын киинигэр күнүс 12:00 чаастан саҕаланыаҕа. Бу туһунан Урбаан министиэристибэтин телеграм-ханаалыгар иһитиннэрдилэр.