Майа энергетиктара муус ыллылар

Киин электрическэй ситимнэр Майатааҕы РЭС үлэһиттэрэ  олохтоохторго муус ылан көмөлөстүлэр. 

Ол курдук энергетиктар Майа сэлиэнньэтин дьаһалтата биэрбит испииһэгинэн  кырдьаҕас ыалларга, байыаннай дьайыы кыттыылааҕын дьиэ кэргэнигэр муус ылан, киллэрэн  биэрдилэр.

Маны таһынан РЭС үлэһиттэрэ энергетика түөрт бэтэрээнигэр, ол иһигэр  Василий Васильевич Яковлевка, Роман Романович Масоркиҥҥа, Семен Трофимович Чупровка уонна Василий Степанович Пономаревка көмөлөстүлэр диэн «Якутскэнерго» ПАУо Киин электрическэй ситимнэрин  пресс-сулууспата иһитиннэрдэ.

Онон, хас биирдии ыал Ат кутуруга күөлтэн биирдии массыына мууһунан хааччылыннылар.