Майа олохтооҕун тиэргэнигэр арбуз өлгөмнүк үүнэр

Саха сиригэр соҕуруу дойду оҕуруот аһын үүннэрэр уустуга өйдөнөр. Ол да буоллар, өрөспүүбүлүкэ араас муннуктарын хоһуун дьонун сатабыллара, үлэһиттэрэ, үөрүйэхтэрэ сөхтөрөр.

Бүгүн атырдьах ыйын 3 күнүгэр бэлиэтэнэр аан дойдутааҕы Арбуз күнүгэр Майа олохтооҕо Михаил Шарин туһунан билиһиннэрэбит. Кини арбуһу бэрт боростуойдук үүннэрэн, дьон биһирэбилин ылыан ылар.

«Дьыбааҥҥа үүнэн турар арбузтар», — диэн  Зиновий Игнатьев Майа олохтооҕо Михаил Шарин тиэргэнигэр сылдьан устубут видеотын көрөҕүт. Михаил Дмитриевич арбуһу бэрт боростуойдук, тэпилииссэтэ суох, аһаҕас кирээккэҕэ, парникка үүннэрэр эбит. Минньигэс «отоннор» олус өлгөмнүк үүммүттэр. Өссө да биир ый устата улаатан-ситэн, сотору кэминэн соҕурууттан аҕалыы «аймахтарыттан» хаалсыа суохтар.

Видео Зиновий Игнатьев, «Эркээйи» хаһыат