Майа уола Николай Жирков «Хорсунун иһин» мэтээлинэн наҕараадаланна

Киин куоракка Мэҥэ Хаҥалас Майатыттан  Николай Жирков  РФ Федеральнай Мунньаҕын бэрэссэдээтэлэ Валентина Матвиенко илии баттааһыннаах дастабырыанньалаах «Хорсунун иһин» мэтээлинэн наҕараадаланна.

Наҕарадааны Ил Түмэҥҥэ сенатор Сахамин Афанасьев туттарда. Санаттахха, быйыл бэс ыйын 5 күнүгэр  уопсай дьиэҕэ баһаар тахыбытыгар Майа 1№-дээх В.П. Ларионов аатынан орто оскуолатын 10-с кылааһын үөрэнээччитэ Коля Жирков уонна 8-с кылаас үөрэнээччитэ Роберт Ноев аҕам саастаах дьахтары уоттан быыһаабыттара. «Кытаат, үөрэххэр ситиһиилээхтик үөрэнэн, эппиэтинэстээх дьоһун киһи буола үүн-сайын!», — диэн Харбалаахтааҕы Үөрэхтээһин холбоһугун дириэктэри үөрэх чааһыгар уонна производствоҕа солбуйааччы Ульяна  Егорова баҕа санаатын тиэрдэр.