Егор Карпов хаартыската
Мэҥэ Хаҥалас улууһун Майатыгар өрөспүүбүлүкэтээҕи XXIV «Аҕа күрэҕэ 2024» күрэх бүгүн саҕаланна. Икки киһиттэн турар 19 хамаанда араас улуустартан кэлэн саха үгэс дьарыктарыгар күөн көрсөллөр.
Бүгүн маһы суорууга, эрбээһиҥҥэ,чэй өрүүгэ, биатлоҥҥа ким ордугун быһаарыахтара.
Бастакы түһүмэххэ, маһы суорууга, сытыы сүгэ уонна сатабыл эрэ быһаарбат эбит. Сэрэбиэй быһыытынан түбэспит бэрэбинэ олус элбэҕи быһаарда. Ол курдук бастыҥ түмүгү көрдөрбүт Уус Алдан улууһуттан сылдьар Поповтар хамаандалара баҕаналарын 10 мүн. 20 сөкүүндэҕэ суоран түмүктээтилэр. Оттон тиһэх түмүктээбит хамаандалар 30 мүнүүтэттэн тахса суордулар. Мин көрдөхпүнэ, кинилэр баҕаналара биллэр суон буолара көстөр. Онон, сатабыл уонна баарт холбоспут хамаандалара тубустулар.
Сүрүн судьуйа Дмитрий Сидоров бу туһунан маннык эттэ:
— Дьиҥэр, баҕаналара бары араа-бараа суоннар. Ол эрэн, сорохторун төрдө суон соҕус уонна мутук элбэҕэ аҕыйаҕа эмиэ билэр. Сэрэбиэйинэн түбэспит мас биллэр эрээри, сүрүн көрдөрүү хамаанда сатабыла.
Үлэ бүппүтүн судьуйалар мээрэй ачаах нөҥүө аһардан тургуттулар. Сорохтор бэрт үчүгэйдик саҕалаан баран, сэниэ эстэн бытаардылар, маһы суоруу киһи илистэр үлэтэ.
Күн бастакы аҥаарыгар судьуйалар чэй өрүү күрэҕин ыытан кэбиһиэҕиҥ диэн этии киллэрдилэр, хамаандалар сөбүлэстилэр.
Онон, уот оттуу уонна уу оргутуу саҕаланна.
Старт биллэриллээтин кытта аҕалар мас хайытан, тырыыҥка кыһан, оҕолоро кутаа уоту оттон бардылар. Бастакылар, Мэҥэ Хаҥалас хамаандата Карамзиннар 11 мүнүүтэ 23 сөкүүндэ иһигэр солуурдаах ууларын бидилиттилэр. Тиһэх түмүктээхтэр
Орто Халыматтан кэлбит кыттааччылар Сивцевтэр 20 мүнүүтэттэн ордук уулара оргуйан күүтүллэр.
2026 сыл -- Ат сыла үүнэрэ аҕыйах хонук хаалла. Бары даҕаны бу күүтүүлээх, долгутуулаах кэлэр…
“70-80-с сылларга төрөөбүт дьоҥҥо судаарыстыбаттан босуобуйа төлөнөр, онон бу ыйыллыбыт сигэҕэ киириҥ” диэн иһитиннэрии ааспыкка…
Ил Дархан Айсен Николаев Кириэмилгэ Владимир Путин бэрэссэдээтэллиир РФ Судаарыстыбаннай Сэбиэтин мунньаҕар кыттыыны ылла. Мунньахха…
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…