Майаҕа 7 этээстээх дьиэ тутуллар

Илин Эҥэргэ  саамай үрдүк дьиэ Мэҥэ Хаҥалас улууһун Майа сэлиэнньэтигэр тутулла турар. Кэрэхсэбиллээҕэ диэн бу дьиэ лииптээх буолуо, диэн суруйар  Дмитрий Садовников бэйэтин телеграм-ханаалыгар.

Сэттэ этээстээх дьиэ 70 кыбартыыралаах буолуоҕа, сааххалланар туруктаах дьиэлэртэн дьону көһөрөр  бырагыраама чэрчитинэн тутулла тутар. Тутууну  “Мегинострой” хампаанньа ыытар.

Эбийиэк бэлэм буолуута 75%-ҥа тэҥнэспит. Бэдэрээччит дьиэни былааннаммыт болдьоҕор ахсынньыга диэри киллэрэр санаалаах. Тутуу матырыйаала, үлэһит илии барыта баар.

2025 сылга диэри Мэҥэ Хаҥалас улууһугар 65 тыһ. кв. иэннээх 272 элбэх кыбартыыралаах дьиэ олохтооҕо көһөрүллүөхтээх. Саҥа дьиэни 1000-тан тахса дьиэ кэргэн (2,7 тыһ. тахса киһи) ылыаҕа.

Майаны таһынан олорор дьиэ Аллараа Бэстээххэ көхтөөхтүк тутуллар, онно сотору кэминэн Кооперативнай уулуссатыгар икки дьиэ үлэҕэ киириэҕэ.