Майаҕа 79 саастаах дьахтар түөкүттэр угаайыларын 527 тыһ. солк. сүтэрдэ

Ааспыт сууккаҕа Саха сиригэр 4 буруйу оҥоруу тахсыбыта бэлиэтэннэ. Бу туһунан СӨ Борокуратууратын пресс-сулууспата суруйар.

Мэҥэ Хаҥалас уулуһун Майа сэлиэнньэтигэр 79 саастаах дьахтартан түөкүттэр  527 тыһ. солк.  харчытын уорбуттар (схемата — «Социальнай страхование пуонда үлэһитэ»). Нерюнгри куоракка харчы уорбуттар.

Алдан улууһун Томмот куоракка массыына күрэппиттэрин туһунан тыллаабыттар, Дьокуускай куоракка иккиһин итирик туруктаах уруулга олорбут суоппар тутулунна.

Киин куоракка Челюскин уулуссаҕа 12 кыбартыыралаах мас дьиэ умайбыт. Баһаар кэннэ 1952 с.т. дьахтар өлүгэ көстүбүт.

Дьокуускайга 202 түөлбэттэн 2022 с.т. оҕо буруоҕа үгээрдээн балыыһаҕа киирбит.

Киһи өлүүлээх суол быһылаана бэлиэтэммэтэх.

Алдан улууһугар Аллараа Кураанах бөһүөлэктэн 1 км тэйиччи 1969 с.т. суоппар «Урал» массыынанан утары суолга тахсан биэрэн, «УАЗ 390995» массыынаны кытта харсыспыт. Саахал түмүгэр УАЗ массыына суоппара уонна 3 пассажир балыыһаҕа киирбиттэр.

Суукка иһигэр 10 киһи итирик сылдьан тутулунна.