Майаҕа “Алыптаах мааска” өрөспүүбүлүкэтээҕи бэстибээл ыытылынна

Олунньу 2-4 күннэригэр Майа сэлиэнньэтигэр Д.Ф. Ходулов аатынан Култуура киинигэр “Алыптаах мааска” норуодунай тыйаатырдар VII өрөспүүбүлүкэтээҕи бэстибээл-күрэстэрэ киэҥ далааһыннаахтык ыытылынна диэн Мэҥэ Хаҥалас улууһун дьаһалтатын пресс-сулууспата иһитиннэрдэ.

Бэстибээлгэ Сунтаартан, Ньурбаттан, Кэбээйиттэн, Бүлүүттэн, Үөһээ Бүлүүттэн,  Намтан, Алдантан, Хаҥаластан, Уус Алдантан, Амматтан, Чурапчыттан, Тааттаттан, Хатастан айылҕаттан айыллыбыт айар куттаах дьон, норуодунай тыйаатырдар кэлэн кытыннылар.

Улуус баһылыгын Дмитрий Тихонов аатыттан баһылыгы социальнай уонна имиджевэй бэлиитикэҕэ солбуйааччы Альбина Григорьева түмүгү таһаарар үөрүүлээх тэрээһиҥҥэ түмсүбүт дьону-сэргэни, артыыстары итиэннэ Майатааҕы норуодунай тыйаатыр үбүлүөйдээх 60 сылынан эҕэрдэлээтэ, наҕараадалары туттарда. Ону таһынан Ил Түмэн дьокутаата, А.Д. Макарова аатынан  Дьокуускайдааҕы култуура уонна ускуустуба колледжын салайааччыта Захар Никитин, олохтоох баһылык Алексей Неустроев, Д.Ф. Ходулов аатынан Култуура киинин салайааччыта Екатерина Ефремова эҕэрдэлээтилэр.

7-с төгүлүн ыытыллар «Алыптаах мааска» бэстибээл-күрэстэрин түмүгэ:

1. Ситиһиилээх кыттыытын иһин өйдөбүнньүк бэлэх — Күөрдэмнээҕи норуодунай тыйаатырга. Режиссер — Олеся Александрова.
2. Ситиһиилээх кыттыытын иһин өйдөбүнньүк бэлэх — Уус Алданнааҕы “Айыллаан” норуодунай тыйаатырга.Режиссер — Макаров Андрей.
3. Ситиһиилээх кыттыытын иһин өйдөбүнньүк бэлэх — Дириҥнээҕи норуодунай тыйаатырга. Режиссер — Кирилл Пестеров
4. Ситиһиилээх кыттыытын иһин өйдөбүнньүк бэлэх — В.П.Свинобоев аатынан Суоттутааҕы норуодунай тыйаатырга. Режиссер — Елизавета Портнягина

5. «Дебют» дьүүллүүр сүбэ анал аата – Сергей Волков – Кузьма Николаевич оруолун иһин. “Дэриэбинэчээн” Кэбээйитээҕи норуодунай тыйаатыр. А.П.Чехов «Юбилей» комедия. Режиссер — Саргылаана Иванова.

6. «Көрү көҕүлүттэн туппут артыыс» анал аат – Афанасий Андреев – Уйбаан оруолун иһин. Майатааҕы “Көөчөөн көрө” норуодунай мини-тыйаатыр. А.Паршин “Неровня” уонна Аркадий Новиков сыаҥкаларынан “Былыыр-былыр уонна быйыл” испэктээк. Режиссер — Анна Охлопкова.

7. «Саха Өрөспүүбүлүкэтин оҕо саас сылынан» анал аат — Х.И.Хартасова-Терентьева аатынан Дьаарханнааҕы норуодунай куукула тыйаатырыгар. В.Яковлев – Далан “Тулаайах оҕо” куукуланан испэктээк. Режиссер – Линаида Терентьева.
8. “Норуот тыйаатыра сайдыытыгар сүҥкэн кылаатын иһин” анал аат — П.А.Ойуунускай аатынан Тааттатааҕы норуодунай тыйаатыр. А.Е.Кулаковскай – Өксөкүүлээх Өлөксөй “Сүүһүн туолбут эмээхсин ырыата” моно-испэктээк. Режиссер — Валентина Бурнашева.

9. “Эксперимент — дьүүллүүр сүбэ бирииһэ” — Сунтаардааҕы норуодунай тыйаатырга. А.И.Софронов-Алампа “Таптал” драма. Режиссер — Динислам Тууйас.

10. “Көрөөччү биһирэбилэ” анал аат — Намнааҕы норуодунай тыйаатырга. Иван Новиков “Семинария паартатыттан, автономия трибунатыгар”. Режиссер – Роман Герасимов

11. “Театральнай суруналыыстар уонна критиктэр бириистэрэ” анал аат — Мария Владимирова. “Сыккыс” Аллараа Бэстээхтээҕи норуодунай тыйаатыр режиссеругар Феврония Малгина олоҕуттан “Улуктаах кэтэһии” пьесатын, моно-испэктээгин иһин.

12. “Бэстибээл дирекциятын бирииһэ” — Бүлүүтээҕи норуодунай тыйаатырга. Режиссер — Маргарита Соколова.

Анал ааттар:

1. “Бастыҥ туруорааччы-худуоһунньук” анал аат — Валерий Лобанов. Алтаннааҕы норуодунай тыйаатырга. Джек Лондон “Аргонавт”.

2. “Бастыҥ көстүүм худуоһунньуга” анал аат — Хатастааҕы норуодунай тыйаатырга. Гоголь “Ревизор”. Режиссер — Евдокия Семенова.

3. “Бастыҥ уотунан киэргэтии” анал аат — Үөһээ Бүлүүтээҕи норуодунай тыйаатырга. Николай Якутскай “Көмүстээх үрүйэ”. Режиссер – Сайыына Васильева

4. “Бастыҥ тыаһынан-ууһунан киэргэтии” анал аат —
Андрей Иванов – Дьикти. Үөһээ Бүлүүтээҕи норуодунай тыйаатыр. Николай Якутскай “Көмүстээх үрүйэ”. Режиссер – Сайыына Васильева

5. “Бастыҥ балетмейстер/хореограф” анал аат — Изабелла Лень. “Образ” Алданнааҕы норуодунай тыйаатыр. В.Сологуб “Беда от нежного сердца” водевиль-испэктээк. Режиссер — Елена Воронкова.

6. “Бастыҥ драматург” анал аат — Василий Николаев — П. Решетников аатынан Чурапчытааҕы норуодунай тыйаатыр.

7. “Бастыҥ иккис былаан дьахтар оруола” анал аат — Изабелла Ефимова – Өкүлүүнэ оруолун иһин. Ньурба улууһун Антоновка сэлиэнньэтин “Айуу, чэ” норуодунай тыйаатыр. Дмитрий Наумов “Таптал хампаанньата”. Режиссер – Ньургуйаана Матвеева

8. “Бастыҥ иккис былаан эр киһи оруола” анал аат — Герман Иванов – Күлүк Сүөдэр оруолун иһин. Сунтаардааҕы норуодунай тыйаатыр. Алампа “Таптал” драма. Режиссер — Динислам Тууйас.

9. “Бастыҥ дьахтар оруола” анал аат — Ньургуйаана Кириллина – Феврония Малгина оруолун иһин. “Сыккыс” Аллараа Бэстээхтээҕи норуодунай тыйаатыр. Феврония Малгина олоҕуттан “Улуктаах кэтэһии” моно-испэктээк. Режиссер – Мария Владимирова.

10. “Бастыҥ эр киһи оруола” анал аат — Максим Скворцов – Александр Золотников оруолун иһин. Алданнааҕы норуодунай тыйаатыр. В.Сологуб “Беда от нежного сердца” водевиль-испэктээк. Режиссер — Елена Воронкова.

11.“Бастыҥ режиссер” – Данил Осипов. Д.Ф Ходулов аатынан Майатааҕы народнай тыйаатыр режиссера.

12.  “Бастыҥ испэктээк” анал аат — П. Решетников аатынан Чурапчытааҕы норуодунай тыйаатырга. Иван Арбита “Долгуннар” пьесатынан  “Биэрэккэ поэт уол турбута”.  Режиссер – Василий Николаев.

«Өссө төгүл бэстибээл кыайыылаахтарын, кыттааччыларын, тыйаатыр сүгүрүйээччилэрин, артыыстары, режиссердары, бары үлэһиттэри бэлиэ тэрээһининэн итиитик-истиҥник эҕэрдэлиибит!
Инникитин даҕаны айымньылаахтык үлэлии-хамсыы, айа-тута,
бар дьоҥҥутун, сүгүрүйээччилэргитин үөрдэ тураргытыгар баҕарабыт!»- диэн Мэҥэ Хаҥалас улууһун дьаһалтатын пресс-сулууспатата иһитиннэрдэ.