Майаҕа архитектордар үлэлииллэр

Мэҥэ Хаҥалас Майа бөһүөлэгэр бүгүн архитектордар үлэлиилэр. Бу туһунан улуус баһылыга Дмитрий Тихонов телеграм-ханаалыгар суруйар.

«Бүгүн биһиги Майабытыгар Саха сирин бастыҥ архитектордара кэлэн үлэлэрин саҕалаатылар. Ытык сирбитин Ураһалаах алааспытын, Комсомольскай болуоссат иккис уочаратын бырайыактыыр үлэбитин саҕалыахпыт, ону тэҥэ куорат табыгастаах эйгэтин тэрийии бырагыраамаларынан оҥоһулла турар үлэлэри миэстэтигэр көрөн санаабытын атастаһыахпыт», — диэн баһылык телеграм-ханаалыгар иһитиннэрэр.