Хаартыска: ЯСИА.
Ил Түмэҥҥэ Мэҥэ Хаҥалас улууһун Майа сэлиэнньэтигэр арыгыны атыылааһыны бобор туһунан сокуон бырайыагын киллэрдилэр.
Туһааннаах докумуону олохтоох былаастар көҕүлээбиттэр. Кинилэр быһаарыыларынан, сокуону ылыныы буруйу оҥорууну намтатарга көмөлөһүөҕэ диэн быһаараллар. Бу туһунан Ил Түмэн пресс-сулууспата иһитиннэрэр.
Статистика көрдөрбүтүнэн, улууска буруйу оҥоруу 80%-на итирик туруктаах сылдьан тахсар эбит. Буруйу оҥоруу үксүтэ Майаҕа бэлиэтэнэр.
2023 сылга арыгыны атыылааһыны толору бобор туһунан сокуону ылыныыга куйаар ситимигэр ыйытык ыытыллыбыт.
Түмүгэр ИДьМ үлэһиттэрэ, борокуруор, нэһилиэк дьокутааттара, уопсастыбанньыктар кыттыыллаах нэһилиэнньэ 69,2%-на сокуону ылынарга куоластаабыт, 20,8% бырыһыана утарбыт. Ону таһынан ооскуола уонна оҕо уһуйаанын чугас турар арыгы атыылыыр туочукалары бөһүөлэк кытыытыгар көһөрөр туһунан туруорсуулар киирбиттэр. Ол гынан баран, түөлбэ олохтоохторо маннык туочукалар үлэлииллэрин утарбыттар.
Майа сэлиэнньэтин баһылыгын бастакы солбуйааччы Дмитрий Игнатьев билигин сэлиэнньэҕэ 59 маҕаһыын үлэлиирин уонна 4-гэр эрэ арыгы атыыланарын бэлиэтээтэ. Сокуон барыла Ил Түмэн уочараттаах мунньаҕар бастакы ааҕыыга көрүллүөҕэ.
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…