Хаартыска -- Жанна Тумусова тиксэриитэ
Бу күннэргэ Мэҥэ Хаҥалас улууһун дьокутааттарын сэбиэтэ уонна Майа сэлиэнньэтин түөлбэтин салайааччылара бииргэ үлэлээһин тосхолун торумнаатылар.
Бу туһунан Майа сэлиэнньэтин дьаһалтатын түөлбэ үлэтин сүрүннүүр исписэлииһэ Жанна Тумусова маннык кэпсээтэ:
— Майа сэлиэнньэтигэр 21 түөлбэлээхпит. Сыллааҕы былаан оҥостон үлэлиибит. Ый аайы 2-4 тэрээһини ыытабыт. Бу күннэргэ улуус сэбиэтин дьокутааттара Иван Пивоваров уонна Иннокентий Скрябин Майа сэлиэнньэтин түөлбэлэрин салайааччыларын кытта көрсөн, бииргэ үлээһиҥҥэ сүбэ мунньах тэрийдилэр. Ол курдук, «Ураһалаах» түөлбэ (сал. Акулина Алексеева), «Бадаайы» түөлбэ ( сал. Акулина Скрябина), «Новострой» түөлбэ (сал. Марианна Яковлева), «Маамыкаан» түөлбэ (сал. Мария Попова), «Кэскил» түөлбэ (сал. Парасковья Алиева) буолан, араас суолталаах боппуруостары ырыттылар, инники былааннары торумнаатылар. Биллэн турар, саамай долгутар боппуруостарынан суол, уулусса уота, сааскы халааны этэҥҥэ аһардыы тула буолла. Көрсүһүү кыттыылаахтара ыкса ситимнээхтик үлэлииргэ илии тутустулар. Инникитин даҕаны маннык көрсүһүүлэр буола туралларыгар, түөлбэлэрбит, сэлиэнньэбит сайдарыгар биир санаанан салайтаран үлэлииргэ кэскиллээх саҕалааһын олохтонно.
Бэҕэһээ, Ньукуолун күнүн көрсө, Чурапчы улууһун Арыылаах нэһилиэгин кусчуттара кырдьаҕас дьону, соҕотох дьахталлары куһунан күндүлээтилэр.…
Таатта улууһун Ытык Күөл нэһилиэгэр бэҕэһээ, ыам ыйын 21 күнүгэр, түөлбэлэр икки ардыларыгар самаан сайыны…
Арассыыйа Үрдүкү Сэбиэтин Президиумугар, 1995-2000 сылларга Госдуумаҕа, онтон I, II, III ыҥырыылаах Ил Түмэн дьокутаатынан…
Нам уонна Кэбээйи улуустарыгар уу таһыма сыыйа түһэн эрэрин туһунан бырабыыталыстыба бэрэссэдээтэлин бастакы солбуйааччы Дмитрий…
Урбаанньыт Владислав Соловьев халаан уутуттан эмсэҕэлээбит Маймаҕа, Хатырык, Граф Биэрэгэ, Модут нэһилиэктэрин олохтоох дьаһалталарыгар ууну…
Ыам ыйын 21 күнүгэр 19.03 чааска баһаарынай быыһыыр сулууспаҕа Дьокуускай куоракка "Сатал" түөлбэҕэ массыына умайа…