Хаартыска Мэҥэ Хаҥалас улууһун дьаһалтатын пресс-сулууспатыттан
Мэҥэ Хаҥалас улууһун Майа сэлиэнньэтигэр нэһилиэнньэ Кыайыы монуменын саҥаттан оҥорууну туруорсубута ыраатта. Ааспыт сыл атырдьах ыйыгар улуус салалтата олохтоохтору кытары бу боппуруоска аһаҕас кэпсэтиини ыыппыта.
Ол кэнниттэн «Куорат табыгастаах эйгэтин тэрийии» федеральнай куонкуруһугар кыттан быйыл, 2024 сылга Кыайыы монуменын аныгылыы тупсаҕай гына санардан оноруу бырайыага кыайан, үбүлэнэр буолла. Ол чэрчитинэн, кыһыҥҥыттан тутуу ыытыллыахтаах сирин бэлэмнээһиҥҥэ, эргэ эбийиэги көтүрүүгэ Майа тэрилтэлэрэ субуотунньуктары ыппыттара.
Бүгүн Майа сэлиэнньэтигэр Кыайыы Монуменын өрөмүөннүүр үлэ саҕаланна диэн Мэҥэ Хаҥалас улууһун дьаһалтатын пресс-сулууспата иһитиннэрэр. Көдьүүстээх үлэ этэҥҥэ барарын туһугар улуус Ытык сүбэтин салайааччыта Зиновий Иванович Игнатьев алгыс сиэрин-туомун толордо.
«Дириҥ суолталаах ытык сирбит саҥалыы, тупсаҕай оҥоһуулаах дьэндэйэн тахсарыгар үлэҕэ ылсыбыт уолаттарбытыгар ситиһиини, табыллыыны, күүһү-уоҕу баҕарыаҕыҥ! Санаабыккыт сатабыллаах, туппуккут үйэлээх, уурбуккут уйгулаах буоллун!», — диэн тэрээһиҥҥэ Мэҥэ Хаҥалас улууһун баһылыга Дмитрий Тихонов баҕа санаатын эттэ.
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…