Майаҕа саҥа балыыһа тутуллар
16.07.2024, 18:13
Хаартыска: Доруобуйа харыстабылын министиэристибэтэ.
Бөлөххө киир:
Мэҥэ Хаҥалас улууһун Майа сэлиэнньэтигэр саҥа балыыһа тутулла турар. 33 куойкалаах сытар балыыһа комплекса 2025 сыл ахсынньытыгар тутуллан киириэхтээх. Эбийиэк «Доруобуйа харыстабыла» национальнай бырайыак чэрчитинэн тутуллар диэн доруобуйа харыстабылын министиэристибэтэ иһитиннэрэр.
Балыыһа комплексын иэнэ — 4 тыһыынча кв.м. кэриҥэ. Манна симиэнэҕэ 30 киһини көрөр поликлиника аһыллыаҕа. Саҥа эбийиэк аныгы мэдиссиинэ тиэхиникэтинэн, саҥа миэбэлинэн хааччыллыаҕа уонна нэһилиэнньэҕэ хаачыстыбалаах өҥөнү оҥоруоҕа.
Билигин тутааччылар дьиэ сыбаайаларын түһэрдилэр. Үлэ күөстүү оргуйар.
«Доруобуйа харыстабыла» национальнай бырайыак Арассыыйа Бэрэсидьиэнэ Владимир Путин көҕүлээһининэн, 2019 сылтан үлэлээн саҕалаабыта.
Бу кэмтэн Саха сиригэр бу бырайыагынан ыраах улуустарга, нэһилиэктэргэ элбэх биэлсэр-акушер пууннара, быраастаах амбулаториялар, поликлиникалар тутулуннулар.
Быйыл бу бырайыак көмөтүнэн, Усуйаана оройуонун киин балыыһатыгар хапытаалынай өрөмүөн ыытыллар.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: