Хаартыска: Елена Потоцкая.
Ханнык баҕарар оскуола оҕотун ахсаанынан буолбакка, бу үөрэх кыһатын дорҕоонноохтук ааттатар үөрэнээччилэринэн аатырар.
Майа орто оскуолата Арассыыйа наукатын икки академигын иитэн таһаарбыт оскуола. Ол курдук, академиктар Владимир Ларионов уонна Михаил Лебедев — бу оскуолаттан иитиллэн тахсыбыт учуонайдар. Бэйэтин үөрэнээччитин аатын сүгэр оскуола былырыын 115 сылын бэлиэтээбит. Онно ытыктыыр учууталларын, педагогическай үлэ бэтэрээннэрин анаан чиэстээбиттэр.
Саха биллиилээх учуонайа, профессор Владимир Ларионов аатынан орто оскуолаҕа сыл аайы олунньу бастакы дэкээдэтигэр Наука күнүн уонна В.П. Ларионов төрөөбүт күнүн чэрчитинэн үөрэнээччилэр научнай-практическай кэмпириэнсийэлэрэ ыытыллар. Наукаҕа анаммыт нэдиэлэ “Ларионов баалынан” түмүктэнэр.
Биллиилээх учуонай Владимир Ларионов науканан утумнаахтык дьарыктанарын таһынан, классическай литератураны, муусуканы, тыйаатыры уонна уруһуйу улаханнык кэрэхсиирэ, анаан үөрэтэрэ, үҥкүүнү сөбүлүүрэ. Онон барытыгар эргиччи талааннаах биир дойдулаахтарын кэриэстээн В.П. Ларионов аатын сүгэр оскуола оҕолоро классическай үҥкүү баалын тэрийэн ыыппыттара үгэскэ кубулуйда.
Баалга 7-тэн 11-с кылааска диэри үөрэнээччилэр мэнуэт, полька, полонез, падеграс бытаан вальс курдук классическай үҥкүүлэри толороллор.
«Ларионов баалыгар» «Галантнай кавалерынан» – Сарыглар Санчай, 7-с «г» үөрэнээччитэ, “Баал дебютана” – 7-с «б» кылаас үөрэнээччитэ Даяна Васильева буоллулар. Оттон «Ларионов баалын» хоруолунан 11 «в» кылаас үөрэнээччитэ Иван Банщиков, “Баал королеватынан 11 «б» кылаас үөрэнээччитэ — Сандаара Тихонова 11 «б» ааттаннылар.
Элбэх оҕолоох Сиипсэптэр диэн ыал хотун ийэлэрэ Сардаана Аркадьевна түүн үчүгэйдик утуйбакка, уутун хаммакка, төбөтө…
Саха сирин булчуттара тайаҕы бултааһын тиэмэтин туһунан өрүү сэргииллэр. Онон бу боппуруоска санаабын үллэстиэхпин баҕарабын. …
Орто дойдуга олох баарын тухары үрүҥ, хара алтыһыытын курдук эйэлээх олох элэккэй тыынын өһөгөйдөөх күүс…
Олунньу 7-8 күннэригэр Хаҥалас улууһун Иккис Малдьаҕар нэһилиэгэр Улахан Ааҥҥа Бөртө Оһуокайа ыытылынна. Хаҥалас улууһун…
Литература, тыл кэскилин кэҥэтэр соруктаах үлэҕэ оҕо литературатын айыы, сайыннарыы улахан суолталаах. Үрдүк хаачыстыбалаах оҕо…
Бу күннэргэ Дьааҥы улууһун Барылас олохтооҕо Илья Слепцов сылгыларын тардыбыт икки адьырҕаны дэриэбинэттэн чугас хапкаанынан…