Майаҕа «Удьуор утума» сыл саҕаланна

Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр «Удьуор утумун» сылын арыйар үөрүүлээх тэрээһин буолла.

Бу киэһэ Д.Ф. Ходулов аатынан норуот айымньытын дьиэтигэр биир дойдулаахтарыгар талааннаах дьон дириҥ ис хоһоонноох дьоро киэһээни бэлэхтээтилэр. Майа сис ыала Тастыгиннар дьиэ кэргэн үс көлүөнэнэн тахсан, төрүччүлэрин кэпсээтилэр, аймахтарын түмэр уопуттарын атастастылар.

Кыраайы үөрэтээччи Дмитрий Санников Майа сэлиэнньэтин устуоруйатын кэпсээн, дойду сылаас тыынын сахта. Педагогическай үлэ бэтэрээнэ Анна Климентова удьуор утумун ис хоһоонун билиһиннэрбитин үгүстэр олус сэргии иһиттилэр.

Быйыл «Удьуор утума» сылын тэрийэр хамыыһыйаны хайысхаларынан арааран, сыанаҕа таһааран билиһиннэрбиттэрэ олус сонуннук көһүннэ.

Маны таһынан, бу дьоро тэрээһиҥҥэ анаан Мэҥэ Хаҥалас улууһугар бэйэ оҥорон таһаарыы сылын чэрчитинэн атыы-эргиэн быыстапката үгүс киһи болҕомтотун тарта.

Елена Потоцкая хаартыскаларга түһэриитэ