Майаҕа төрөппүттэр өрөспүүбүлүкэтээҕи сугулааннара буола турар

Мэҥэ Хаҥалас улууһун Майа сэлиэнньэтигэр төрөппүт өрөспүүбүлүкэтээҕи II сугулаана буола турар. Тэрээһин оҕо тэрилтэлэрин быыстапкатыттан саҕаланна.

Салгыы «Оҕо ийэ иһигэр уонна үс сааһыгар диэри мэйиитин сайдыытын кэрчиктэрэ уонна саҥарар дьоҕуругар сайдыыта», «Төрөөбүт тыл — киһи олоҕу оҥостор сүрүн күүһэ», «Оҕо ийэ тылынан тылланыыта — омукпут тыын соруга» төгүрүк остуоллары ыыталлар.

Ыҥырыылаах ыалдьыттар: невролог быраас Гульнара Софронова, алгысчыт Кулан Хаан Байаҕантай, СӨ Ил Дарханын уонна Бырабыыталыстыбатын дьаһалтатыгар тыл сайдыытын боппуруостарын сүрүннүүр управление салайааччыта Римма Жиркова, СӨ Билимин академиятын төрөөбүт тыллары чинчийэр киин сүрүн билимҥэ үлэһитэ Светлана Семенова.

Күн иккис аҥарыгар сүрүн мунньах, оҕолорун сахалыы иитэр эдэр ыаллар холобурдарын сырдатар видео-роликтары көрүү буолар.