Хаартыска: Ил Дархан пресс-сулууспата
Нам улууһун Хатырык сэлиэнньэтигэр Култуура-успуорт элбэх хайысхалаах киинин тутуу түмүктэнэр.
Эбийиэк бастакы сыбаайатын былырыын, САССР 100 итиэннэ уһулуччулаах судаарыстыбаннай уонна уопсастыбаннай диэйэтэл Максим Кирович Аммосов төрөөбүтэ 125 сылларыгар түһэрбиттэрэ.
Киин өрөспүүбүлүкэ инвестицияҕа бырагырааматын чэрчитинэн тутуллар, эрэгийиэн бүддьүөтүттэн 395 мөлүйүөн бэриллибитэ. Тутуу-таҥыы үлэлэрин «Настрой» хампаанньа толорор, билигин эбийиэк 88-тан тахса бырыһыана бэлэм.
2,5 тыһыынча квадратнай миэтэрэ уопсай иэннээх дьиэҕэ успуорт комплекса, оҕо ускуустубатын оскуолата, 150 миэстэлээх саалалаах «Сайдам» норуот айар талаанын дьиэтэ уонна 20 миэстэлээх, кинигэни харайар сирдээх улахан бибилэтиэкэ баар буолуохтара.
Бастакы мэндиэмэҥҥэ актовай саала, медиакиин, ааҕар саала, таҥас ыйыыр сирдэр, көстүүм уларыттар хостор, мусуой, архыып уо.д.а. олохсуйуохтара.
Иккис мэндиэмэҥҥэ художественнай хореография саалата, мэдиссиинэ кэбиниэтэ, тириэньэр хоһо уонна эрчиллэр саала уо.д.а. үлэлиэхтэрэ.
Максим Аммосов үбүлүөйүгэр Ил Дархан Айсен Николаев сорудаҕынан Нам сэлиэнньэтиттэн Хатырыкка тиийэ суолу аспааллааһын үлэтэ түмүктэммитэ, Хатырык орто оскуолатыгар олохтоох өрөмүөн ыытыллыбыта. Ону сэргэ былырыын Нам сэлиэнньэтигэр Култуура уонна духуобунай сайдыы дыбарыаһа аһыллан үлэҕэ киирбитэ.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …