Ил Дархан, бырабыыталыстыба пресс-сулууспата.
Судаарыстыбаннас күнүн көрсө бырабыыталыстыба бэрэссэдээтэлин солбуйааччы Георгий Степанов Нам улууһугар Аппааныга биллэр судаарыстыбаннай диэйэтэл Илья Винокуров мэҥэ тааһыгар уонна Хатырыкка Саха АССР-ы төрүттэспит Максим Аммосов мэҥэ тааһыгар сибэкки дьөрбөтүн уурда.
Нам улууһун уопсастыбаннаһын үөрүүлээх мунньаҕа Хатырыкка М.К. Аммосов аатынан Өрөспүүбүлүкэтээҕи судаарыстыаннас устуоруйатын түмэлигэр буолла.
Вице-премьер Георгий Степанов өрөспүүбүлүкэни төрүттээбит дьон нэһилиэстибэлэрин куруук өйдүөхтээхпит уонна харыстыахтаахпыт диэн эттэ.
— Маннык чулуу уолаттардаах буолан, Саха сиригэр судаарыстыбаннас баар уонна салгыы сайдыбыта. Кинилэртэн биирдэстэринэн Максим Аммосов буолар. Норуотун иннигэр кини үтүөтэ-өҥөтө муҥура суох. Илья Егорович Винокуров норуот өйүгэр-санаатыгар Аҕа дойду сэриитин ыар сылларыгар дьону хоргуйууттан быыһаабыт киһи быһыытынан өйдөнөн хаалбыт. Оттон аныгы Саха сирин сайдыытыгар бастакы бэрэсидьиэн Михаил Николаев киллэрбит кылаата сөҕүмэр, — диэн кини эттэ.
Бу үөрүүлээх тэрээһиннэргэ Ил Түмэн бэрэссэдээтэлин солбуйааччы Афанасий Владимиров, Нам улууһун баһылыга Юрий Слепцов, улуус дьокутаата Артур Иванов, Хатырык нэһилиэгин баһылыга Артур Ноговицын, тэрилтэлэр, түмсүүлэр бэрэстэбиитэллэрэ, үөрэнээччилэр, олохтоохтор кытыннылар.
Ил Дархан, бырабыыталыстыба пресс-сулууспата.
Ытык Күөлгэ 450 миэстэлээх лиссиэй, 100 миэстэлээх интэринээтин кытта тэҥинэн тутулла турар. [gallery ids="157377,157378,157379,157380"] Уота-күөһэ…
– Биир кыһалҕалаах боппуруоһунан тиийдибит. Кырдьаҕас ийэбитин быстах кэмҥэ түүҥҥү өттүгэр көрөр киһиэхэ – сиделкаҕа…
Өрөспүүбүлүкэ Судаарыстыбаннаһын күнүгэр тирэхтээхтик сайдыы V Хотугу пуорумун чэрчитинэн Дьокуускай куоракка Хотугу пуорум оскуолаларын Ассоциацията…
Кэлиҥҥи кэмҥэ куйаар ситиминэн араас сыһыарыылары оҥорон, дьон олоҕун-дьаһаҕын чэпчэтии, билиитин көрүүтүн кэҥэтии үксээбитэ кэрэхсэбиллээх.…
(Бүтүүтэ. Иннин манна ааҕыҥ). – Назар Иннокентьевич, кэлиҥҥи командировкаларыҥ бастакыттан төһө уратылаахтарый? – Билигин байыаннай…
– Биллэриилэри көрдөххө, сир учаастага бөҕө атыыланар. Сир учаастагын атыылаһарга тугу болҕомтоҕо ылыахха нааданый? Хайдах…