СӨ Урбаан уонна туризм министиэристибэтэ
Ил Дархан Айсен Николаев СӨ олохтоох оҥорон таһаарыыны уонна туризмы сайыннарыы туһунан стратегическай ыйаахха илии баттаата. Бу докумуон олохтоох табаардар уонна өҥөлөр ырыынактарын сайыннарыы сыалын быһаарар, табаар хаачыстыбатын үрдэтиини, олохтоох оҥоһуктары Арассыыйа уонна аан дойду ырыынагар таһаарыыны түстүүр.
Урбаан уонна туризм министиэристибэтэ бу ыйааҕы толорорго туох үлэни ыыппытын уонна былаанныырын туһунан миниистир бастакы солбуйааччыта Максим Карбушев:
—Ил Дархан Айсен Николаев ыйааҕар туризм уонна өҥөнү оҥоруу эйгэтигэр, биһиэхэ 15 улууска Өҥөнү оҥоруу кииннэрин (“Мои услуги”) тэрийэргэ сорудах биэрбит. Орто уонна дьоҕус урбаан тэрилтэлэригэр билигин 150 саҥа үлэ миэстэтин таһаарыы былааннанар. Бу курдук кииннэри 3 тыһыынчаттан тахса киһи олорор нэһилиэнньэлээх пууннарга арыйар былаан баар. Өҥө кииннэригэр нэһилиэнньэҕэ бытовой өҥөнү оҥорор итиэннэ үөрэҕирии уонна доруобуйа харыстабылын эйгэтигэр үлэлиир уонна норуот уус-уран үлэтинэн дьарыгырар урбаанньыттар үлэлиэхтэрэ, — диэн эттэ.
Туризмы сайыннарыы чааһыгар Максим Карбушев гостиницаны тутуу былаанын иһитиннэрдэ: “Бу сыаллары ситиһии чэрчитинэн Дьокуускайга “4 сулус” категориялаах COSMOS национальнай бренд аннынан 150 нүөмэрдээх гостиница тутуллуоҕа. Ону кыттта Грин Флоу Батамай диэн ааттаах 120 миэстэлээх гостиница комплекса “Өлүөнэ” туристическай-рекреационнай кластерга тутуллуоҕа”.
Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ…
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…