Салгыы
Максим Орешкин уонна Алексей Чекунков «Саюри» үлэтин кытта билистилэр

Максим Орешкин уонна Алексей Чекунков «Саюри» үлэтин кытта билистилэр

Ааптар:
27.12.2023, 16:15
Хаартыска: Мария Васильева, СИА
Бөлөххө киир:

РФ бэрэсидьиэнин көмөлөһөөччүтэ Максим Орешкин уонна РФ Уһук Илин уонна Арктика сайдыытыгар миниистирэ Алексей Чекунков Саха сиригэр кэлэн үлэлии сылдьаллар. Бүгүн кинилэр «Саюри» хампаанньа үлэтин хаамыытын кытта билистилэр.

«Саюри» тэпилииссэлэригэр Максим Орешкин уонна Алексей Чекунков Саха сирин олохтоохторун сылы эргиччи сибиэһэй оҕуруот аһынан хааччыйарга туһуламмыт технологиялары көрдүлэр.

Хампаанньа генеральнай дириэктэрэ Сергей Балнайтис иһитиннэрбитинэн, 2023 сылга оҕуруот аһын оҥорон таһаарыга былаан 2440 тоннаҕа тэҥнэһэр. Сыл бүтүөр диэри бу былаан 100% толоруллара күүтүллэр.

Кини бэлиэтээбитинэн, хампаанньа бастакы уочаратынан уһуйааннары, оскуолалары, балыыһалары уонна да атын социальнай суолталаах эбийиэктэри сибиэһэй бородууксуйанан хааччыйар.

Билигин «Саюри» Дьокуускай куорат олохтоохторун сибиэһэй оҕоруот аһынан наадыйыытын 25% толоро олорор. Манна үксэ оҕурсуну, томаты уонна күөх оту (зелень) үүннэрэллэр. Итиэннэ тэпилииссэ үлэһиттэрэ хампаанньа бородууксуйатын элбэтэргэ үлэлииллэр, араас экспеременнары ыыталлар, ол иһигэр папайя уонна дыня үүннэриитигэр.

Сылы эргиччи үлэлиир «Саюри» агрокомплекс “Уһук Илин уонна Арктика сайдыытын корпорацията” АУо («Корпорация развития Дальнего Востока и Арктики») “Якутия” урутаан сайдар сирин-уотун (ТОР) биир бастыҥ үлэлээх резиденинэн буолар.

+1
0
+1
1
+1
0
+1
0
+1
0
+1
0
+1
0
Бары сонуннар
Салгыы
24 июня
  • 27°C
  • Ощущается: 27°Влажность: 34% Скорость ветра: 5 м/с

Сообщить об опечатке

Текст, который будет отправлен нашим редакторам: