Хаартыска: Мария Васильева, СИА
РФ бэрэсидьиэнин көмөлөһөөччүтэ Максим Орешкин уонна РФ Уһук Илин уонна Арктика сайдыытыгар миниистирэ Алексей Чекунков Саха сиригэр кэлэн үлэлии сылдьаллар. Бүгүн кинилэр «Саюри» хампаанньа үлэтин хаамыытын кытта билистилэр.
«Саюри» тэпилииссэлэригэр Максим Орешкин уонна Алексей Чекунков Саха сирин олохтоохторун сылы эргиччи сибиэһэй оҕуруот аһынан хааччыйарга туһуламмыт технологиялары көрдүлэр.
Хампаанньа генеральнай дириэктэрэ Сергей Балнайтис иһитиннэрбитинэн, 2023 сылга оҕуруот аһын оҥорон таһаарыга былаан 2440 тоннаҕа тэҥнэһэр. Сыл бүтүөр диэри бу былаан 100% толоруллара күүтүллэр.
Кини бэлиэтээбитинэн, хампаанньа бастакы уочаратынан уһуйааннары, оскуолалары, балыыһалары уонна да атын социальнай суолталаах эбийиэктэри сибиэһэй бородууксуйанан хааччыйар.
Билигин «Саюри» Дьокуускай куорат олохтоохторун сибиэһэй оҕоруот аһынан наадыйыытын 25% толоро олорор. Манна үксэ оҕурсуну, томаты уонна күөх оту (зелень) үүннэрэллэр. Итиэннэ тэпилииссэ үлэһиттэрэ хампаанньа бородууксуйатын элбэтэргэ үлэлииллэр, араас экспеременнары ыыталлар, ол иһигэр папайя уонна дыня үүннэриитигэр.
Сылы эргиччи үлэлиир «Саюри» агрокомплекс “Уһук Илин уонна Арктика сайдыытын корпорацията” АУо («Корпорация развития Дальнего Востока и Арктики») “Якутия” урутаан сайдар сирин-уотун (ТОР) биир бастыҥ үлэлээх резиденинэн буолар.
Бүгүн, олунньу 12 күнүгэр, өрөспүүбүлүкэ баһыйар үгүс өттүгэр хаар түһүөҕэ. Булуҥ, Анаабыр оройуоннарыгар сорох сиринэн …
"Айар" национальнай кинигэ кыһата сыл литературнай түмүктэрин ("Сыл бастыҥнара") билиһиннэрэр, эҕэрдэлиир долгутуулаах уонна үөрүүлээх тэрээһинэ…
Бэҕэһээ, олунньу 10 күнүгэр, Чурапчы улууһугар И. Е. Федосеев - Доосо аатынан Дириҥ орто агро-оскуолатыгар…
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…