Максим Силигиянов фроҥҥа тиийдэ

Максим Силигиянов фроҥҥа тиийдэ

06.11.2022, 17:05
Бөлөххө киир:

Үөһээ Бүлүү сэлиэнньэтин баһылыга Максим Силигиянов бу күннэргэ фронт чугаһынааҕы сиргэ сылдьар. Бу туһунан Үөһээ Бүлүү улууһун үөрэххэ управлениетын салайааччы Спиридон Борбуев иһитиннэрэр.

Максим Филиппович улуустааҕы салайааччылар пуондаларыттан үбүлэммит, бойобуой дьайыыларга аналлаах тактическай сэби-сэбиргэли атыылаһан илдьэн биэрбит. Эмиэ бу улуустан төрүттээх Михаил Ан хамандыырдаах взвод уолаттарын кытары көрсүбүт, баһыылкалары тиэрдибит, санааларын көтөхпүт. Сотору кэминэн саха мохсоҕоллоро кимэн киириигэ бэлэмнэнэллэр эбит.

Санатар буоллахха, Үөһээ Бүлүү улууһугар салайааччылар пуондалара тэриллибитэ. Манна тэрилтэлэр, биэдэмистибэлэр салайааччылара хамнастарыттан уопсай пуондаҕа угаллар. Улуус баһылыга Владимир Поскачин биир бастакынан көҕүлээн, хамнаһыттан харчыны бу пуондаҕа укпута. Пуонда Ийэ дойдуларын көмүскээччилэргэ быһаччы көмө буолар сыаллаах.

Хаартыска — СИА.

Лента
Салгыы
7 декабря
  • -38°C
  • Ощущается: -45°Влажность: 67% Скорость ветра: 2 м/с