Максим Терещенко: «Нолуоктары мэһэйэ суох төлүөхтээхпит»

Аан дойдутааҕы криптовалюта  индустрията ороскуота суох эньиэргийэ төрдүн көхтөөхтүк көрдүүр.

Ырыынак кыттыылаахтара этэллэринэн, уоту оҥорууга холбоһуктаах нефть гааһы (ПНГ) туһаныы сүрүн хайысха буолан эрэрин  “Сыыппара алмааһа” пуорумҥа Арассыыйа криптоиндустриятын уонна блокчейн ассоциациятын уоту оҥорууга вице-бэрэсидьиэнэ Дмитрий Ступин бэлиэтээтэ. «Бу эйгэ кыаҕа — сүҥкэн. Уонна бу Арассыыйаҕа эрэ көстүү буолбакка, аан дойдуга күүһүрэн эрэр хайысха буоларын өйдүүр улахан суолталаах», — диэн эспиэр тоһоҕолоон эттэ.

СӨ бырамыысыланнаска уонна геологияҕа миниистирэ Максим Терещенко “чуолкай уонна дьэҥкэ систиэмэ наада. Бу сир баайын хостооһунугар уонна кини араас кииннэригэр сыһыаннаах. Биһиги барыларыгар: өрөспүүбүлүкэ олохтоохторугар уонна, биллэн турар, урбаанньыттарга кыайыылаах балаһыанньаны тэрийиэхтээхпит. Онон нолуоктары мэһэйэ суох төлүөхтээхпит«, — диэн бэлиэтээтэ.