Хаартыска: www.sakha.gov.ru
Сыыппара күнүгэр “Арассыыйа” быыстапкаҕа Саха сирин павильонугар дойду цифровой сайдыытын, сибээһин уонна маассабай коммуникацияларын миниистирэ Максут Шадаев сырытта.
Эрэгийиэн “Якутия” технопаарка резиденнэрин оҥоһуктарын билиһиннэрдэ. РФ цифровой сайдыытын миниистиригэр “Сайберия” хампаанньа саҥа бырайыагын – түөс искэҥин сибикилэрин булан диагностыыр модулу кэпсээтилэр. Ону тэҥэ, “Смарт Юнит” хампааньа “Хориус” авиационнай мотуордарын кэтээн көрөр систиэмэни көрдөрдүлэр.
Бу бырайыактар Саха сирин инновацияларын сайдыытын пуондата уонна АЛРОСА бииргэ үлэлэһиилэрин иитинэн оҥоһуллубуттара. Цифровой сайдыы миниистирэ тас дойдулар ИТ—быһаарыыларын солбуйар Саха сирин бырагыраамаларын үрдүктүк сыаналаата.
Максут Игоревич “Сайберия” оҥоһуктарын номнуо билэр, хампааньа Росздравнадзор регистрационнай дастабырыанньатын ылыыта уонна олохтоох бырагырааманан хааччыйыы (ПО) испииһэгэр киириитэ, кинилэр оҥоһуктара үрдүк хаачыстыбалааҕын өссө биир туоһута диэн бэлиэтээн эттэ.
“Хориус” систиэмэни билигин Арассыыйа хампаанньаларын хааччыйарын тохтоппут канадскай оннугар “Якутия” авиахампаанньа туһанар. Миниистир систиэмэ суолталааҕын бэлиэтээтэ итиэннэ тырааныспар министиэристибэтэ билсэригэр сүбэлиэҕин туһунан иһитиннэрдэ.
Маны таһынан, “Арассыыйа” быыстапкаҕа пилота суох авиационнай систиэмэлэр эйгэлэригэр эрэгийиэннээҕи ситиһиилэри билиһиннэрдилэр. “Саха Дрон” хампаанньа тыа хаһаайыстыбатыгар, быыһыыр үлэлэргэ, тиэрдиини тэрийиигэ, баһаары кэтээн көрүүгэ, о.д.а. аналлаах араас кылаастаах уонна тииптээх дроннары көрдөрөр. Итини сэргэ, өрөспүүбүлүкэ бэрэстэбиитэллэрэ Максут Шадаевка Саха сиригэр оҥоһуллубут БАСка (беспилотные авиационные системы) салаатыгар исписэлиистэри үөрэтии мэтиэдикэтин кэпсээтилэр.
РФ Бырабыыталыстыбата Саха сирин сыыппараҕа быһаарыыларын уонна биһиги ИТ, сибээс эйгэтигэр ситиһиилэрбитин үрдүктүк сыаналыыр. Эрэгийиэн Цифровой сайдыы, сибээс уонна маассабай коммуникациялар министиэристибэтин кытта салгыы даҕаны ыкса ситимнээхтик үлэлиэҕэ, ол иһигэр ИТ-ипэтиэкэ уонна атын өйөбүл миэрэлэри олоххо киллэриинэн.
Ил Дархан уонна Бырабыыталыстыба пресс-сулууспата.
«Дальний Восток – Земля приключений» куонкуруска “Тропами Победы” (“Кыайыы ыллыгынан”) диэн саҥа номинация баар буолла.…
Саха сиринээҕи ИДьМ наркотигы хонтуруоллуур отделын үлэһиттэрэ бобуулаах веществолары сокуона суох тарҕатыыга уорбаланар 30 саастаах…
Леонид Попов аатынан Сунтаар улуустааҕы библиотекатын айымньылаах үлэтин биир бэлиэ көстүүтүнэн үгэс курдук ыытыллар “Сунтаар…
Өрөспүүбүлүкэтээҕи Олоҥхо ыһыаҕын сүрүн түгэннэриттэн биирдэстэринэн «Батыйа - эр хоһуун санаа уонна үрдүк таһым бэлиэтэ»…
Нерюнгригэ Олоҥхо ыһыаҕар түөрт сыллааҕыта Үөһээ Бүлүүгэ саҕаламмыт «Олоҥхону ааҕабыт» бырайыак салҕанна. Үгэс курдук, бырайыагы…
Саха сиригэр 1 тииптээх саахарынай диабеттаах 2-17 саастаах оҕолор сыл бастакы аҥаарыгар глюкоза тиһигин быспат…