Сэтинньи 23-26 күннэригэр Дьокуускай куоракка буола турар ИТ-исписэлиистэрин «HACK-the-ICE 4.0» диэн Уһук Илиннээҕи марафон-күрэхтэригэр 500-тэн тахса сайаапка Арассыыйа 13 эрэгэйиэниттэн, ону таһынан Казахстантан уонна Кыргызстантан киирбит.
Бүгүн РФ цифровой уонна маассабай коммуникация сайдыытын миниистирэ Максут Шадаев быыстапкаҕа сылдьан бырайыактар үрдүк таһымнаахтарын бэлиэтээтэ.
«Бу ИТ-индустрияны уларытарга уонна каадырдары олох эрдэттэн бэлэмниир сүрүн соруктары быһаарарга биир дьоһун суолталаах тирэх буолар», – диэн бэлиэтээтэ Максут Шадаев.
Ил Дархан Айсен Николаев: «Биһиги инникибитин ИТ-эйгэҕэ көрөбүт уонна креативнай индустрияҕа дьаныһан үлэлиибит. Бүгүҥҥү балаһыанньаҕа улахан суолтаны ылар уонна күүскэ сайдарга саҥа кыахтары биэрэр», – диэтэ.
Бу тэрээһин сыалынан – талааннаах ИТ-исписэлиистэри өйөөһүн, хамаандалар ИТ-бородуукталарын оҥороллоругар уонна батаралларыгар көмөлөһүү буолар. Түөрт күн иһигэр кыттааччылар анал бэриллибит тиэмэнэн информационнай технологиялары бырагырааманан хааччыйыыга саҥа бырайыактары оҥоруохтара. Кыттааччылар ортолоругар идэтийбиттэр да, көннөрү да дьон, итиэннэ оскуола оҕолоро уонна устудьуоннар бааллар.
«HACK-the-ICE 4.0» хакатоҥҥа, кэтэхтэн эмиэ кыттар кыах бэриллэн, атын куораттартан, дойдулартан эмиэ кытталлар. Уопсай бириис пуондата – 1 мөл. солк. Марафон-күрэх түмүгэ сэтинньи 26 күнүгэр тахсыа.
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…