“Малая родина – Сила России” Бүтүн Арассыыйатааҕы пуорум сиэссийэтэ түмүктэннэ

Дьокуускайга “Малая родина – Сила России” Бүтүн Арассыыйатааҕы III муниципальнай пуорум сиэссийэтэ түмүктэннэ.

Тэрээһин түмүгүнэн Ил Дархан Айсен Николаев: Бу икки күн дойду бэйэни салайыныытын систиэмэтэ, дьону истэр, быһаарыы ылынар уонна сири сайыннарыыга үлэлэһэр кыахтаах сиппит-хоппут, профессиональнай холбоһук быһыытынан сайдара көһүннэ.

Судаарыстыба, биисинэс уонна уопсастыба кыттыгас күүстэрэ саҥа хаачыстыбалаах бырайыактары тэрийэри уонна Арассыыйа Бэрэсидьиэнэ туруорбут сорудахтарын толорору хааччыйар.

Саха сиригэр кэлимсэтик сайыннарыы боппуруоһа ураты суолталаах. Киэҥ сир-уот, уустук хотугу логистика уонна Саха сирин норуотун култууратын баайа чопчу, уһун кэмнээх былааны уонна нэһилиэнньэни кытта тиһигин быспакка кэпсэтиини эрэйэллэр. Биһиги аһаҕас кэпсэтии быраактыкатын сайыннарабыт, олохтоох көҕүлээһиннэри өйүүбүт уонна хас биирдии улуус, хас биирдии нэһилиэнньэлээх пуун сайдарыгар чахчы кыаҕы ыларын туһугар, аныгы салайар быһаарыылары олоххо киллэрэбит. Бу дьон итэҕэлин бөҕөргөтөр уонна оннооҕор хотугу судургута суох усулуобуйаҕа иннибит диэки утумнаахытк хардыылыырга кыах биэрэр” – диэн МАХ сыһыарыыга тус ханаалыгар суруйар.

Итиэннэ Олохтоох бэйэни салайыныы сайдыытын Бүтүн Арасыыйатааҕы ассоциациятыгар (ВАРМСУ) тэрээһини ыытарга Саха сирин эрэгийиэннээҕи былаһаакка быһыытынан талбыттарыгар уонна муниципальнай хамаандалар быһа кэпсэтиилэригэр профессиональнай эйгэни тэрийбиттэригэр махталын биллэрдэ.