Хаартыска: СИА.
Бэс ыйын 27-30 күннэригэр Марфа, Сергей Расторгуевтар ааттарынан Судаарыстыбаннай цииркэ аренатыгар VII «МАМОНТёнок-2024» норуоттар икки ардыларынааҕы цииркэ бэстибээлэ буолуоҕа. Бэстибээл «Азия оҕолорун» култуурунай бырагырааматын чэрчитинэн ыытыллар.
Бэстибээлгэ Беларусь, Казахстан, Таджикистан, Кытай, Вьетнам, Монголия, арассыыйа цииркэлэрэ кытталлар. 50-тан тахса артыыс, ыалдьыт номнуо кэлэн, бэлэмнэнэ сылдьаллар.
Бүгүн бэстибээл Дьокуускай куорат пааркатыгар цииркэ артыыстарын кавалькадатыттан саҕаланна. Сарсыардаттан дьэрэкээн көстүүмнээх артыыстар, жонглердар, клоуннар, акробаттар, дрессировкаламмыт кыыллар пааркаҕа сэлэлии хаамтылар. Түмүгэр мустубут оҕолорго нүөмэрдэрин көрдөрдүлэр. Оҕолор, төрөппүттэр олус астынан, сэргээн көрдүлэр, ытыстарын тыаһын харыстаабатылар. Чахчыта, Оҕо саас сылыгар кинилэргэ биир бэлэх бу буоллаҕа.
Аны от ыйын 4 күнүгэр акробаттар Таалай күөл үрдүнэн тардыллыбыт канаатынан хаамаллара эмиэ элбэх дьон интэриэһин тардар буолуохтаах.
Сарсын, бэс ыйын 28 күнүгэр цииркэҕэ бэстибээл аһыллыыта буолуоҕа. Манна «Земля мамонта» диэн аатырбыт этно-шоуну көрдөрүөхтэрэ. От ыйын 7 күнүгэр диэри күн аайы бэстибээл кыайыылаахтарын нүөмэрдэрин аренаҕа көрдөрүөхтэрэ. Онон атын дойдулар цииркэлэрин нүөмэрдэрин көрүөхтэрин баҕалаахтар билиэттэри атыылаһарга тиэтэйиҥ.
«МАМОНТенок» бэстибээл Саха сиригэр Оҕо саас сылыгар уонна Саха сцииркэтэ тэриллибитэ 30 сылыгар ананар.
Таалай күөл кытылыгар, муостатыгар ыы-быччары киһи муһунна. Бары цииркэ артыыһа канаатынан хаамарын долгуйа кэтэһэллэр. Бастаан…
Саха Өрөспүүбүлүкэтин муниципальнай тэриллиилэрин сиригэр уопсай үөрэх тэрилтэлэригэр 1-тан 11 кылааска диэри үөрэнэр элбэх оҕолоох…
Арассыыйаны Чуумпу акыйааҥҥа таһаарыахтаах тимир суол тутуута 1974 сыллаахха саҕаламмыта. Байкал - Амур магистралын уһуна…
Үлэ уонна социальнай сайдыы министиэристибэтэ иһитиннэрбитинэн, өрөспүүбүлүкэҕэ Дьиэ кэргэн, ону тэҥэ Оҕо саас сылын алта…
Өрөспүүбүлүкэ киин куоратыгар Эллэй Боотур муус дыбарыаһыгар "Азия оҕолоро" VIII оонньуулар чэрчитинэн кураш тустуу бастакы…
50 сыл анараа өттүгэр Бүтүн Сойуустааҕы ыччат хамсааһына - БАМ тутуута саҕаламмыта. От ыйын 4…