Хаартыска: Изабелла Жерготова тиксэриитэ.
От ыйын 10 күнүгэр XXII-с Манчаары оонньууларын чэрчитинэн Д.К. Сивцев-Суорун Омоллоон аатынан Чөркөөх түмэлигэр «Манчаары – уос номоҕор, уус-уран литэрэтиирэҕэ уонна билимҥэ» диэн сонун Мэтириэт киэһэтэ ыытылынна.
Норуот номоҕор киирбит Баһылай Манчаары уобараһын кимнээх уус-уран литэрэтиирэҕэ арыйбыттарын, кимнээх Манчаары олорбут уонна охсуспут кэмин үөрэппиттэрин туһунан бу күн ыраахтан-чугастан мустубут дьон элбэҕи билэн-көрөн тарҕастылар.
Чөркөөх түмэлин дьиэлэригэр-уоттарыгар В.В Никифоров–Күлүмнүүр, А.И.Софронов-Алампа айымньыларынан П.В. Толстяков аатынан Чөркөөхтөөҕү норуот тыйаатырын артыыстарын толоруутугар «Манчаары» испэктээктэри көрөн сөхтүлэр.
Бу киэһэ Тааттатааҕы Николаевскай таҥара дьиэтин хоту истиэнэтигэр 1928 сыллаахха Чөркөөххө ыһыах кэмигэр Былатыан Ойуунускай курдук көрөөччүлэрдээх А.И. Софронов «Манчаары» айымньытынан испиэктээги эргитэн билиҥҥи көлүөнэ артыыстар оонньоон толорбуттара кэрэхсэбиллээх тэрээһин чопчутунан буолла.
Кэнэҕэс да кэмнэргэ кэнчээри ыччаппыт кэскилигэр Манчаары Баһылай аата аатыра, албана турдун.
Изабелла Жерготова. Таатта, Чөркөөх.
Баһылайаптар оҕолоро улаатан, бары киэҥ сиринэн тэлэһийэн, дойдуларыгар да кэлбэт-барбат буоллулар. Икки этээстээх дьиэлэрэ, бэл,…
Бүгүн Саха сиригэр Ийэ күнэ. Орто дойдуга кыыс оҕо буолан айыллан кэлэн, кэргэн тахсан уоллаах…
Тыа сиригэр кэлиҥҥи сылларга араас социальнай суолталаах тутууну тэҥэ устуоруйаны үйэтитэр араас пааматынньыктар, искибиэрдэр тутуллаллар.…
Светлана Свинобоева – элбэх оҕолоох ийэ, бэйэ дьыалатын сайыннарар урбаанньыт. Кини аныгы үйэ дьахталларыттан уратыта…
Саха сиригэр Ийэ күнүн көрсө Кэбээйи улууһун Куокуй нэһилиэгин "Угуйаан" култуура киинигэр күн күбэй ийэлэрбитигэр,…
Соторутааҕыта успуорт эйгэтиттэн өссө биир үөрүүлээх сонун кэллэ. Эдэркээн Айаал Сивцев паралимпиецтарга чэпчэки атлетикаҕа дьаадыраны…