«Манчаары оонньууларыттан»: 700 киһи марафоҥҥа кытынна

Тааттаҕа Ытык Күөлгэ күрэс төрүт көрүҥнэригэр «Манчаары оонньууларынан» марафон аан бастаан тэрилиннэ.

Манна күрэхтэһээччилэр 1, 3, 5, 10 км сүүрдүлэр. Барыта 700 киһи кыттарга сайаапкаламмыт.

Таатталар Кыайыы 80 сылынан маннык сүүрүүнү тэрийбит уопуттаахтар. Онно сүүстэн тахса киһи кыттыбыт уонна «Манчаары оонньууларыгар» эмиэ тэрийиэҕиҥ диэн этии киллэрбиттэр.

Уһуну сүүрүүгэ Таатта улууһун баһылыга Айаал Бурцев, буоксаҕа аан дойдуга вице-чөмпүйүөнэ Василий Егоров, уо.д.а. кыттыбыттар.

Саргын Скрябин хаартыскаларга түһэриитэ, ЯСИА