«Манчаары оонньуулара». Бэлэмнэнии үлэлэр тэтимирдилэр (ВИДЕО)

Таатта улууһугар күрэс төрүт көрүҥнэригэр «Манчаары оонньууларын» көрсө, бэлэмнэнии үлэлэр тэтимирдилэр.

Далааһыннаах тэрээһин ыытыллар сиригэр, Ытык Күөлгэ, култуура тэрилтэлэрин үлэһиттэрэ күргүөмнээх субуотунньугу тэрийдилэр.

Кинилэр «Сделано в Таатте» диэн пааркаҕа улуус уран уустара түмсүөхтээх аныгы үйэ ирдэбилигэр эппиэттиир бэртээхэй тутуулардаах анал уулуссаларыгар субуотунньуктаатылар. Болҕомтону тардар ураты павильоннар муосталарын, тас истиэнэлэрин кырааскалаатылар. Видеолары манна көрүҥ.

Бу туһунан биһиэхэ улууска «Манчаары оонньууларын» тэрийэр дириэксийэ бренд боппуруоһугар хамыыһыйатын бэрэссэдээтэлэ Марианна Степанова иһитиннэрдэ.

Ааптар хаартыскалара, видеоҕа устуута.