«Манчаары оонньуулара». Туох? Ханна? Хаһан?

XXII «Манчаары оонньуулара» саҕаланнылар. Бүгүн, от ыйын 7  күнүгэр тугу көрүөххэ, ханна сылдьыахха сөп эбитий?

Бүгүн, бастатан туран, «Дьулуруйар Ньургун Боотур» стадиоҥҥа киэһээ 20.00 ч. кэтэһиилээх, долгутуулаах уонна олус үөрүүлээх күрэс төрүт көрүҥнэригэр XXII «Манчаары оонньууларын» аһыллыытын генеральнай репетицията.

Бу күн сарсыарда 09.00 чаастан А.Е. Турнин аатынан күрэс уораҕайыгар тэрээһин кыттыылаахтарын көрсөллөр.

Күнүс 12.00чаастан 18:00 ч. диэри А.Е.Мординов аатынан Тааттатааҕы лиссиэй спортивнай былаһааккатыгар төрүт оҕунан ытыыга күөн көрсүөхтэрэ, холоһон көрүөхтэрэ. (Барыллаан ытыы).

Маны сэргэ, 20.00 ч. хамаандалар бэрэстэбиитэллэрин кытта судьуйа кэллиэгийэтин мунньаҕа А.Е.Мординов аатынан Тааттатааҕы лиссиэй актовай саалатыгар былааннанар.