Хаартыска: Таатта улууһун дьаһалтатын ТГ-ханаала
Кулун тутар 30 күнүгэр Дьокуускайга Былатыан Ойуунускай аатынан Саха академическай тыйаатырыгар быйыл Таатта улууһугар ыытыллар Манчаары оонньуулар буолаллара 100 күн хаалбытын бэлиэтиир тэрээһин буолуоҕа.
Бу күннэргэ оонньууларга анаммыт бэлиэлэри оҥорууга араас этии киирэн эрэрин туһунан Тааттатааҕы Норуот айымньытын дьиэтин дириэктэрэ Гаврил Вырдылин маннык сырдатта:
— Манчаары оонньууларыгар аналлаах араас тэрээһиннэри ыыта сылдьабыт. Онтон биирдэстэрэ – сыл бэлиэ тэрээһинигэр аналлаах сувенирдары оҥоруу буолар. Бу үлэни тэрийиигэ анал хамыыһыйа тэриллибитэ. Араас бэлиэлэри, сувенирдары оҥорууга кэккэ этиилэр киирэ тураллар. Ол курдук, бу күннэргэ Дьокуускай куораттан «Офсет» ХЭУо үлэһиттэрэ “маннык сувенирдары оҥоруохха сөп” диэн спортивнай тэрээһиҥҥэ анаммыт бородууксуйаны аҕалан хамыыһыйаҕа билиһиннэрдилэр.
Манна Оонньуулар ымыылара Кэрэ Кытыл, Талах Бэргэн, Тотооной, төрүт оонньууларбыт көрүҥнэринэн түөскэ анньыллар значок, брелок быһыытынан оҥоһуллубуттар.
Онтон Манчаары оонньууларын эмблемата шопперга, үрүсээккэ, спортивнай таҥаска, оҕо оонньууругар, тиэрмэскэ уо.д.а. тэриллэргэ түһэриллэн, олус үчүгэй көстүүнү биэрбиттэр.
Онон мантан инньэ итинник этиилэри көрөн, үөрэтэн баран, талан ылбыппытын бигэргэтиэхпит.
Баһылайаптар оҕолоро улаатан, бары киэҥ сиринэн тэлэһийэн, дойдуларыгар да кэлбэт-барбат буоллулар. Икки этээстээх дьиэлэрэ, бэл,…
Бүгүн Саха сиригэр Ийэ күнэ. Орто дойдуга кыыс оҕо буолан айыллан кэлэн, кэргэн тахсан уоллаах…
Тыа сиригэр кэлиҥҥи сылларга араас социальнай суолталаах тутууну тэҥэ устуоруйаны үйэтитэр араас пааматынньыктар, искибиэрдэр тутуллаллар.…
Светлана Свинобоева – элбэх оҕолоох ийэ, бэйэ дьыалатын сайыннарар урбаанньыт. Кини аныгы үйэ дьахталларыттан уратыта…
Дьокуускай, Нерюнгри уонна Мииринэй куораттарга хантараагынан байыаннай сулууспаҕа гражданнары сүүмэрдиир пууннар РФ Оборуона министиэристибэтин кытта…
Саха сиригэр Ийэ күнүн көрсө Кэбээйи улууһун Куокуй нэһилиэгин "Угуйаан" култуура киинигэр күн күбэй ийэлэрбитигэр,…