«Манчаары оонньууларыгар» барар буоллаххына

Айанньыт, Тааттаҕа «Манчаары оонньууларыгар» барар буоллаххына, маны көр.

1. Дьокуускайтан Аллараа Бэстээххэ өрүс пуордуттан барар буоллаххына:

Өрүс пуордуттан моторканан, «Валдай», «В. Рукавишников» теплоходтарынан барыаххын сөп.

• Моторканан барар буоллаххына, сыаната 1000 солк. 16 миэстэлээх, чаас аҥаарын курдугунан биэрэккэ тиийэҕин. Күн аайы сарсыарда 7.00-20.00 ч. диэри сылдьаллар.
• «Валдай» теплоходунан айанныыр буоллаххына, сыаната 700 солк., 45 киһи киирэр. Чаас аҥаара айанныыгын. Дьокуускайтан 08.00-18.00 ч. диэри сылдьар.
• «В.Рукавишников» теплоход,  сыаната 500 солк. Дьокуускайтан Аллараа Бэстээххэ биир чааһынан тиийэҕин. Теплоход күн аайы 9.00-18.30 ч. диэри сылдьар.

Сиһилии 710-018 төлөпүөҥҥэ эрийэн ыйыталаһыахха сөп.

2. Онтон бэйэҥ массыыналаах буоллаххына, паромунан айанныырга массыына улаханыттан-кыратыттан сыана тутулуктанар.

• Массыыналарга сыана 1150 солк. саҕаланар.
• Грузовой, бортовой, самосвал массыыналарга сыана туһунан.
• Массыынаҕа олорсон иһэр пассажир билиэтэ 350 солк.