Манчаары оонньууларыгар билиэттэр атыыга таҕыстылар

«Манчаары оонньуулара» спартакиада от ыйын 7-13 күннэригэр Таатта улууһугар ыытыллар. Бу күннэргэ оонньууларга киирии билиэттэр атыыга таҕыстылар.

Тэрээһин үөрүүлээх аһыллыытын сиэрэ-туома уонна сабыллыыта, наҕараадалары туттарыы   Ытык Күөлгэ  «Дьулуруйар Ньургун Боотур» стадиоҥҥа ыытыллар.

Үөрүүлээх аһыллыыта  —  от ыйын  8  күнүгэр  19:00 чаастан, оттон сабыллыыта  — от ыйын 12 күнүгэр  20:00 ч. буолар. Биир билиэтинэн аһыллыытыгар уонна сабыллыытыгар сылдьаҕын. Билиэт сыаната 2000 солкуобай.

Билиэттэр manchaarygames.ru  официальнай саайтка атыыланаллар.

Саайтка билигин киирэн көрдөххө, сорох сектордарга билиэттэр номнуо атыыланан бүппүттэр.