Хаартыска: СИА
«Манчаары оонньуулара» успуорт национальнай көрүҥнэригэр ХХІ спартакиадатын бырагыраамата бигэргэннэ.
Олимпиада Таатта улууһугар бу сыл от ыйын 7-13 күннэригэр ыытыллар, онно 1700-тэн тахса спортсмен кыттыаҕа.
Спартакиада бырагырааматыгар 11 успуорт көрүҥнэрэ киирдилэр: хапсаҕай, мас-рестлинг, сахалыы ыстаҥа, чэпчэки атлетика, национальнай атлетика, национальнай многоборье, хотугу многоборье, буулдьанан ытыы, оҕунан ытыы, хабылык уонна хаамыска, гиирэни көтөҕүү уонна ат сүүрдүүтэ. Успуорт күрэхтэһиилэрин таһынан успуорт национальнай көрүҥнэрин сайыннарыыга аналлаах научнай кэмпириэнсийэлэр уонна сэминээрдэр буолуохтара.
Тэрээһин Саха сирин оройуоннарыттан 1772 спортсмены түмэр саамай улахан успуорт түгэнинэн буолуоҕа.
От ыйын 7 күнэ
Кыттааччылары көрсөр күн. Хамаандалары, судьуйалары уонна оробуочай хамыыһыйалары көрсүһүү, миэстэлэринэн араарыы. Норуоттар икки ардыларын бэрэстэбиитэллэрэ кыттыылаах Бүтүн Арассыыйатааҕы научнай кэмпириэнсийэ саҕаланар. Судьуйа кэллиэгийэтин мунньаҕа ыытыллар.
От ыйын 8 күнэ
ХХІ спартакиада үөрүүлээх аһыллыыта. АРАССВА успуорка хамыыһыйатын мунньаҕа. Хотугу многоборьеҕа, буулдьанан ытыыга, гиирэнэн успуорка уонна үгэс буолбут оҕунан ытыыга күрэхтэһии саҕаланар.
От ыйын 9 күнэ
Сүрүн күрэхтэһиилэр саҕаланыылара, ол иһигэр мас- рестлинг, чэпчэки атлетика уонна сахалыы ыстаҥа.
От ыйын 10 күнэ
Хабылыкка, хаамыскаҕа уонна хапсаҕайга күрэхтэһиилэр. Мас-рестлиҥҥэ, чэпчэки атлетикаҕа уонна сахалыы ыстаҥаҕа финаллар.
От ыйын 11 күнэ
Национальнай многоборье саҕаланар, хотугу многоборье салҕанар. Хапсаҕайга, хабылыкка уонна хаамыскаҕа финаллар.
От ыйын 12 күнэ
ХХІ спартакиада үөрүүлээх сабыллыыта уонна хамаанданан зачекка кыайыылаахтары наҕараадалааһын.
От ыйын 13 күнэ
Спартакиада кыттыылаахтарын тарҕаһыыта.
Бу күннэргэ Үөһээ Бүлүү улууһугар «Көмүскэл» доруобуйаларыгар хааччахтаах оҕолоох төрөппүттэр түмсүүлэрэ оҕолоругар анаан кэнсиэр оҥордулар.…
Биир кэлим эксээмэҥҥэ быйыл бастакынан 100 баалы ылбыт оҕолор ааттара билиннэ. Кинилэр кимнээҕий? Химия биридимиэтигэр…
Өрүскэ айан саҕаламмытынан сибээстээн, кыра кээмэйдээх суудуналары өрүстэргэ, күөллэргэ ыытыы кэмигэр инникитин дьон-сэргэ тус олоҕор…
Госөҥөлөргө наадалаах ИТ- үөрүйэхтэргэ босхо тестированиены барар уонна РФ Цифровой сайдыыга министиэристибэтин официальнай сэртипикээтин ылар…
Таастаах диэн сиргэ "Амикан" этнография комплексын көрүү кэнниттэн, Нерюнгри оройуонун дьаһалтатын Олоҥхо ыһыаҕар эппиэттээх исписэлиистэрэ,…
Нерюнгри оройуонун биэнсийэлээҕэ түөкүттэр “домофон уларытыыта” исхиэмэлэригэр киирэн биэрэн. Туох баар дьиэ кэргэнин уурумньутун барытын…