«Манчаары оонньууларын» көрсө

Быйыл Таатта улууһугар «Манчаары оонньуулара» XXII Спартакиада ыытылларынан, Ытык Күөлгэ кэккэ спортивнай эбийиэктэр тутулла тураллар.

Нэдиэлэ ахсын тутуу хаамыытын хонтуруоллуу Судаарыстыбаннай сакаасчыт сулууспата  тиийэр.

Манна тыа сиригэр баар тутуулартан биир саамай улаханнара буолуохтаах элбэх хайысхалаах чэбдигирэр-спортивнай комплекс тутулла турар. Билигин бырайыакка 52 үлэһит уонна анал тиэхиньикэ үлэлииллэр. Комплекска элбэх хайысхалаах спортивнай саала, аэробика саалата, остуол тенниһин саалата, тренажернай саала уонна пневматическай саанан ытар сир баар буолуохтара.

Бэдэрээтчит “Монтажник” ПК былаан быһыытынан үлэни ыытар. Ититии холбонон турар буолан, ис үлэлэри оҥоруу, уот ситимин, уунан хааччыйыы, канализация, вентиляция, кыра токтаах ситимнэри тардыы бара турар.

«Манчаары оонньуулара» XXII Спартакиада эбийиэктэрэ кэмигэр үлэҕэ киирэллэрин туһугар Судаарыстыбаннай сакаасчыт сулууспата тутуу хаачыстыбалаахтык барарын кытаанахтык хонтуруоллуур.