«Манчаары оонньууларын» кыттыылаахтарын уруйдуу-айхаллыы көрүстүлэр!

Бүлүү улууһун Бастакы Тоҕус нэһилиэгэр, Тыымпы сэлиэнньэтигэр «Манчаары оонньууларын» кыттыылаахтарын уруйдуу-айхаллыы көрсүбүттэр.

Бу туһунан социальнай ситимҥэ суруйбуттар, хайҕаабыттар, киэн туттубуттар.

Бу маладьыастары көрүҥ. Дьоруойдары, космонавтары көрсөр курдук чиэстээбиттэр! Аныгы «Манчаары оонньууларыгар» кыайар буолбуппут!

Бу олус үчүгэй инициатива эбит. Кыттыбыт спортсменнардаах нэһилиэктэргэ барыларыгар манныкка майгынныыр чиэстээһини тэрийиэххэ баар эбит. Оройуоҥҥа даҕаны. Бэркэ тэриммиттэр, суолтата диэн сүҥкэн!

Маннык суруйаллар, үөрбүттэрин, киэн туттубуттарын биллэрэллэр.