Хаартыска. «Таатта» хаһыата
2025 сылга Тааттаҕа XXII “Манчаары оонньуулара” ыытыллыаҕа. Сабаҕалааһын быһыытынан, бу улахан тэрээһин түһүлгэтигэр сэттэ тыһыынча киһи кэлэрэ күүтүллэр.
«Өрөспүүбүлүкэҕэ улахан далааһыннаах успуорт оонньуулара ыытыллар буоллахтарына, онно сөп түбэһиннэрэн нэһилиэктэр, улуус хайаан даҕаны уларыйыахтаах, тупсуохтаах. Ол курдук, Ытык Күөлгэ уулуссалар аспаалланыахтара, Биэрэк үрдэ саҥа ирдэбилгэ толору эппиэттиир гына оҥоһуллуохтаах, дьон сынньанар сирдэрэ баар буолуохтаахтар. Итиннэ үлэ саҕаланна, — диэн Айсен Николаев иһитиннэрбитэ.
Аны биир сылынан XXII “Манчаары оонньуулара” Таатта улууһун киин Ытык Күөл нэһилиэгэр ыытыллыаҕа. Онно бэлэмнэнэн, от ыйын 2 күнүгэр, таатталар “Манчаары оонньууларын” таблотун кыһыл уотун үөрүүлээхтик уматтылар.
Ытык Күөл киин болуоссатыгар Таатта улууһун баһылыга Айаал Бурцев саха Олимпиадатыгар тэҥнээх улахан оонньуулар таблоларын уотун уматыыта буоларын биллэрдэ. «Аны биир сылынан бу күн 8 чааска XXII “Манчаары оонньууларын” факела умайыаҕа. Күнтэн күн бу сыыппара биһигини оонньууларга угуйа, элбэҕи ситиһэргэ, кыайыыга-хотууга сирдиэҕэ. Хас биирдиибит өрө турунан, тэрэһиннээхтик оонньулары ыытыахтаахпыт диэн бэйэбитигэр кыаҕы үөскэтиэхтээхпит», — диэтэ Айаал Бурцев.
Успуорт улахан түһүлгэтэ саҕаланара хас күн хаалбытын ааҕар таблону Айаал Семенович Бурцев, Таатта нэһилиэгин баһылыга Егор Иннокентьевич Павлов уонна оҕолорго Арассыыйа, Саха сирин хас да төгүллээх чөмпүйүөнэ Ытык Күөл маҥнайгы нүөмэрдээх орто оскуолатын үөрэнээччитэ Айтал Винокуров холбоотулар. Бу туһунан улуус дьаһалтатын пресс-сулууспата иһитиннэрдэ.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…