«Манчаары оонньууларын» түһүлгэтигэр күүстээх хапсаҕайдьыттар түмүстүлэр

Күрэс төрүт көрүҥнэригэр «Манчаары оонньууларыгар» биир саамай күүтүүлээҕинэн хапсаҕай буолар.

«Дьулуруйар Ньургун Боотур» стадиоҥҥа ыытыллыахтаах күөн күрэс ардах түһэн, А.Е.Турнин аатынан күрэс уораҕайыгар буола турар. Муҥутуур кыайыылаахха «Niva Legend» массыына туттарыллыахтаах.

Манна өрөспүүбүлүкэ бары улуустарыттан 271 хапсаҕайдьыт 17  араас ыйааһыҥҥа киирсэллэр. Үөһээ Бүлүүттэн, Чурапчыттан, Хаҥаластан, Бүлүүттэн, Намтан, Тааттаттан, Дьокуускайтан, Дьааҥыттан, Ньурбаттан, Горнайтан, Сунтаартан, Орто Халыматтан, уо.д.а. улуустартан бастыҥ күрэсчиттэр күөн көрсүһэллэр.  Сарсын күөн күрэс салҕанар.