«Манчаары оонньууларын» түмүктүүр чааһын путевкалара бэс ыйын 15 күнүгэр диэри оонньонуохтара

Күн бүгүн «Манчаары оонньууларын» финальнай чааһыгар 774 путевка оонньонно. Остуол оонньууларыгар, хотугу многоборьеҕа, национальнай многоборьеҕа, мас тардыһыытыгар, гиирэни анньыыга, хапсаҕайга 6 талан ылар чөмпүйэнээт ыытылынна.

Бу туһунан “Актуальнай интервью” биэриигэ физическэй култуураҕа уонна спорка миниистир бастакы солбуйааччыта Гаврил Мохначевскай кэпсээтэ.

“Хаалбыт путевкалар бэс ыйын 15 күнүгэр диэри оонньонуохтара. Уопсайа 1400 путевка баар буолуоҕа. Ол курдук, хапсаҕайга сорох путевкалар муус устар 5-6 күннэригэр Намҥа ыытыллар “А” кылаастаах өрөспүүбүлүкэтээҕи турнир кэмигэр оонньонуохтара», — диэтэ миниистири бастакы солбуйааччы.