Маҥнайгы кылааска киириигэ сайабылыанньаны муус устар 1 күнүттэн туталлар

Төрөппүттэртэн оҕону маҥнайгы кылааска киллэрэргэ сайабылыанньаны муус устар 1 күнүттэн тутан саҕалыахтара. Төрөппүттэр сайабылыанньаны «Госуслуги» порталынан ыытыахтарын сөп диэн объясняем.рф саайт иһитиннэрэр.

Порталга киирэн сайабылыанньаны толорор ирдэнэр. Манна ийэ эбэтэр аҕа пааспара, оҕо төрөөбүтүн туоһулуур сибидиэтэлистибэ уонна регистрация туһунан ыспыраапка наада. Толорбут сайабылыанньаҕытын тус кабинеккытыгар хаалларыаххытын сөп.

Сайабылыанньаны муус устар 1 күнүттэн туталлар. Докумуоннары туппуттарын туһунан иһитиннэрии кэллэҕинэ, докумуон оригиналларын илдьэ оскуолаҕа тиийэҕит.

Оскуолаҕа киирии иккитэ ыытыллар:

— регистрацияламмыт сиргитинэн эбэтэр льготанан — муус устар 1 күнүттэн бэс ыйын 30 күнүгэр диэри;

— ханнык баҕарар оскуолаҕа — от ыйын 6 күнүттэн балаҕан ыйын 5 күнүгэр диэри.