Манньыаттаах таһыгар сылаас тохтобул сабыылаах

Халлааммыт  тымныйар чинчилэннэ. Онон сылаас оптуобуска олорон айаннааһын уонна сылаас тохтобуллар саамай тыын суолталаах кэмнэрэ үүннэ.

Дьокуускай куорат дьаһалтата саҥа сылаас тохтобуллары туттаран, үлэҕэ киллэрэр. Соторутааҕыта “Залог” тохтобула аһыллыбыта.

Ол эрээри, “Манньыаттаах” ырыынак тохтобулугар баар сылаас дьиэ үлэлээбэт, түннүктүүн-аанныын лип хатыылаах. “Тоҥобут!”, — дэһэллэр таһырдьа турааччылар. Аһыллан, үлэлээтэр, абыраныа эбиттэр.

Хаартыска: ааптар түһэриитэ