Алтынньы саҥатыгар “Натааһа абырыыр дуу, алдьатар дуу?” диэн матырыйаалга портативнай гараас туһунан суруйуубутун ааҕааччыларбыт сэҥээрбиттэрэ. Онон бу сырыыга портативнай гараас туһунан салгыы суруйабыт.
Хаартыскаҕа көрөргүт курдук, итинник анал сабыы эмиэ баар эбит. Уратыта диэн, тимир көлө солуонун үөһээ өттүнэн барытын бүрүйбэт, быһаҕаһын эрэ сабар. Хаартыскаҕа түһэрэн баран, массыына хаһаайынын кэтэһэн көрдүм да кэлбэтэ, аны халлаан тымныытын иһин өр күүппэтим.
Автоэлектриктэртэн маннык портативнай гараас хайдаҕын-тугун туһунан ыйыталастым. Бастаан ыйыппыт исписэлииһим: «Маннык баарын саҥа көрдүм. Атын сабыылар тимир көлөнү барытын бүрүйэллэр. Кэлиҥҥи кэмҥэ итинник сабыылары хото туһаммыттарын кэнниттэн тимир көлөлөр электрикалара, уоттара-күөстэрэ ордук айгырыыра элбээтэ. Биллэн турар, биһиэхэ автоэлектриктарга үлэ элбээтэҕэ дии, ол аата харчыны өлөрөрбүт улааттаҕа (күлэр). Хаартыскаҕа көстөр портативнай гараас быдан ордук буолуон сөп. Массыына кыһын өр собуоттанан турарыттан иһигэр “инчэҕэй” (конденсат) үөскээбэтигэр, итинник сабыы улахан оруолу ылара чуолкай. Аһаҕас солуонунан сылаас тахса турар буоллаҕа, судургутук эттэххэ, хаайтарбат», — диэн хоруйдаата.
Иккис автоэлектригым: «Итинник сабыы соччото суох. 50-60 кыраадыс тымныыга тугу абырыай? Солуон иһэ тымныы буоларыгар тиийэр. Арай, оһоҕу күүскэ үлэлэттэххэ эрэ сатанара буолуо. Онон биир бэйэм сөбүлээбэтим. Бүтүннүү сабыллан турара быдан ордук. Манна биири өйдүөххэ наада. Үгүс дьон “Натааһа” массыына электрикатын кэбирэтэр дииллэр, барытыгар портативнай гарааһы буруйдуур сыыһа. Биһиги дойдубут курдук 50 кыраадыска тиийэр тымныыга күнү-күннүктээн тохтоло суох үлэлиир тимир көлө айгырыыра чуолкай», – диэн санаатын үллэһиннэ.
Биллэн турар, итинник сабыыны туһана сылдьар массыына хаһаайынын кытта көрсөн кэпсэппэтэҕим хомолтолоох, хаһаайын тоҕо итинник портативнай гарааһы туһаммытын кэпсиэхтээҕэ хааллаҕа. Чэ буоллун, эрэ диирбитигэр тиийэбит. Итинник быһаҕас оҥоһуулаах портативнай гараас үчүгэй өттүн көрдөрдөҕүнэ, сотору атыыга дэлэйиэ. Дьон наадыйыыта элбээтэҕинэ, ырыынакка тахсыа. Ырыынак сокуона оннук.
Бүгүн Саха сиринээҕи Киин быыбардыыр хамыыһыйа бэрэссэдээтэлэ Евгений Федоров бэҕэһээ, балаҕан ыйын 14 күнүгэр. Быыбар…
Балаҕан ыйын 13 күнүгэр, Чурапчы Күнүн чэрчитинэн, ырыаҕа ылламмыт, хоһооҥҥо холбоммут Тоҕус томтордоох Чурапчыга, Егор…
Ааспыт өрөбүллэргэ Дьокуускайга 22 суол саахала буолбута бэлиэтэммит, онно үс киһи эмсэҕэлээбит. Бу туһунан киин…
«Воин» киин уонна Саха Өрөспүүбүлүкэтин Бырабыыталыстыбата балаҕан ыйын 15-21 күннэригэр ыытыллар «Путь воина» байыаннай-тактическай күрэхтэһиилэр…
Дьокуускайга 23 саастаах таксыыһы туттулар. Эдэр киһи полиция үлэһиттэриттэн куота сатаабыт. Бу туһунан СӨ ИДьМ…
Саха сирин олохтоохторо улуустар уонна нэһилиэктэр баһылыктарын, итиэннэ оройуон уонна нэһилиэк дьокутааттарын таллылар. "Улуус баһылыктарынан…